لە سلێمانی بەهۆی ڕووداوێکی هاتووچۆ پێشمەرگەیەک گیانی لەدەست دا

ئاڤا نیوز

پێشنیوەڕۆی ئەمڕۆ لە ڕووداوێکی هاتووچۆدا لە سلێمانی کەسێک گیانی لەدەست دا کە پیشەی پێشمەرگە بووە.

لێدوانی فەرمی: دڵشاد فوئاد، شایەتحاڵی ڕووداوەکە بە ئاڤا میدیای وت: دوو ئۆتۆمبێل لەسەر ڕێگاکە وەستابوون، دیاربوو یەکێکیان کێشەی هەبوو ئەوی دیکەش بۆ هاوکاریکردنی وەستابوو، بەڵام ئۆتۆمبێلێکی میکسەری چێمەنتۆ بەخێرایی هات و دواتر کۆنترۆڵی لەدەستدا لەسەر لا بەسەر ئۆتۆمبێلێکیان کەوت.

زانیاریی زیاتر: بەوتەی شایەتحاڵەکە، ڕووداوەکە لە یەکتربڕی باخی بەختیاری ڕوویداوە، بەوهۆیەوە شۆفێری ئۆتۆمبێلەکە بە ناوی 'پشتیوان ئازاد' کە پیشەی پێشمەرگەیە و تاقانەی حەوت خوشکە و خەڵکی کەرکووکە گیانی لەدەست داوە، هەروەها شۆفێری ئۆتۆمبێلی میکسەرەکەش بریندار بووە.