قاسم ئەعرەجی: گەرەنتی دەدەین هێرشە درۆنییەکانی سەر کوردستان دووبارە نابنەوە

ئاڤا نیوز

ڕاوێژکاری نەتەوەی عێراق لە تازەترین لێدوانیدا لەبارەی هێرشە درۆنییەکانی سەر کوردستان دەڵێت: دەزانین کێیە و ناوی لایەنەکانمان دیاریکردووە، دڵنیاش بن ئیتر دووبارە نابنەوە  چوونکە سنوورێکمان بۆ داناون.

وێنە گەورەکە: لەماوەی ڕابردوودا چەندین درۆنی بۆمبڕێژکراو ئاراستەی هەرێمی کوردستان کران، کە بەشێک لەو درۆنانە ئامانجیان زیانگەیاندبوو بە کێڵگە نەوتییەکان و بەهۆیەوە ئاستی بەرهەمهێنانی نەوت بەشێوەیەکی بەرچاو دابەزیوە و تاوەکو ئێستا نەگەیشتووەتەوە ئاستی پێشووی.

لێدوانی فەرمی: قاسم ئەعرەجی، ڕاوێژکاری ئاسایشیی نەتەوەیی عێراق دەڵێت: دوای لێکۆڵێنەوە ناوی ئەو لایەنانەمان دیاریکردووە کە بەدرۆن هێرشیان کردە سەر کێڵگە نەوتییەکانی کوردستان.

لە بەشێکی دیکەی قسەکانیدا قاسم ئەعرەجی دەڵێت: دڵنیابن چیتر هێرش ناکرێت، چوونکە سنوورمان داناوە بۆ هێرشکارەکان.

زانیاریی زیاتر: تاوەکو ئێستا ناوی ئەو لایەنانە ئاشکرا نەکراوە کە درۆنیان ئاراستەی شارەکانی کوردستان کردووە، حکومەتی هەرێمی کوردستان هۆشداریی دابوو ئەگەر حکومەتی عێراق ئەو هێرشکەرانە نەدۆزێتەوە و ڕایان نەگرێت، ئەوە چارەسەریان دەکات چونکە زانیاریی هەواڵگریی لەگەڵ ئەمریکییەکان هەبووە و زانراوە کە گرووپی سەر بە  بە حەشدی شەعبی بوون.