کۆنگرەی چەهەپە لە شەش شوێنی تورکیا هەڵدەوەشێتەوە

ئاڤا نیوز

دوای ئەوەی دادگای مەدەنی 45ی ئیستەنبووڵ، سەرجەم سەرۆک و کارگێرانی کۆنگرەی 38ی جەهەپەی لە پۆستەکانیان دوورخستەوە، قەیووم لە شوێنی سەرۆکی پارێزگای ئیستەنبووڵ دانرا، کۆنگرەکانی جەهەپە لە سەریار، ئەتەشەهیر، کارتال، بەکرکۆی، بەشاکشەهیر و ئەسەنیورت ڕاگیرا.

چیرۆکی سەرەکی: داداگا بڕیاریدا، سەرۆکی پارێزگا و شارۆچکەکان، ئەندامان و ئەندامانی یەدەگ کە لە کۆنگرەی 8-10-2023ی جەهەپە هەڵبژێرداربوون، لە پۆستەکانیان دوور بخرێنەوە.

هەریەک لە زەکی شان، حەسەن بابەجان، موژدەت گوربوز، ئەرکان نەرساپتان، لە کۆنگرەی 38ی جەهەپە وەک پارێزگای ئیستەنبووڵ و سەرۆکی شارۆچکە و ئیدارەی پارێزگا هەڵبژێردرابوون، لە چوارچێوەی ئەو بڕیارەی دادگا لە پۆستەکانیان دوورخرانەوە.

چی ڕوویدا؟ گورسەل تەکین، ئەندامی جەهەپەیە وەک قەیوم بوو بە سەرۆکی پارێزگای ئیستەنبووڵ، ئەمەش هەرای لە ناو جەهەپە دروست کرد، سەرۆک و لایەنگرانی جەهەپە ئەمە  "بە پلانی دەسەڵات بۆ تێکدانی ناوخۆی جەهەپە ناو دەبەن". دواتر تەکین داوای چاوپێکەوتنی لە ئۆزگور ئۆزێل، سەرۆکی گشتی جەهەپە کرد، بەڵام ئەو بینینی قەییوومێکی ڕەتکردەوە.

لێدوانی فەرمی: گورسەل تەکین بۆ سی ئێن ئێن تورک وتی: "من قەییووم نیم، سەرۆکی پارێزگای ئیستەنبووڵم، زانیارییەکان بە کەموكوڕییەوە بە ئۆزێل دراوە، ناشمەوێت دڵی هیچ برایەکم لەمن بڕەنجێت".

ئەوەی پێویستە بیزانیت: دادگا بڕیاریدا کە وەک ڕێکارێکی خۆپارێزی، تەنیا کۆنگرەی قەزاکان و کارەکانی هەڵبژاردنی کۆنگرەی پارێزگاکان، لەلایەن ڕێکخراوی پارێزگای ئیستەنبووڵەوە دەکرێت، لەنێو ئەو کارانەی هەڵبژاردندا ڕابگیرێن کە لە ساڵنامەی کۆنگرەی 39ی جەهەپەدا هاتوون، بەپێی بڕیاری دەستەی بەڕێوەبەرانی جەهەپە لە 14ی تەممووزی ساڵی 2025دا دەستیپێکردووە.