سەرۆکی جەهەپە: ڕۆژانی سەخت چاوەڕێمانە

ئاڤا نیوز

ئۆزگور ئۆزێل، سەرۆکی گشتیی پارتی گەلی کۆماری تورکیا "جەهەپە" جارێکی دیکە بە تووندی هێرش دەکاتە سەر دەسەڵات و ڕووداوەکانی ئیستەنبووڵ بە سیناریۆ و کاریکاتێر ناودەبات، دەڵێت: ئەوەی ڕوویدا چاوەڕوانکراو بوو، ڕەنگە کێشەی گەورەترمان بەسەر بێت، ڕۆژانی سەختتر چاوەڕێمان بکات، بەڵام ئەوەی پێویست بێت باج بدات باجەکەی دەدات و دۆخەکە لە 100 ساڵ لەمەوبەر خراپتر نییە.

وێنە گەورەکە: تا دێت گرژییە سیاسییەکان لە تورکیا لە نێوان ئۆپۆزسیۆن و دەسەڵات زیاتر دەبێت، دوای ئەوەی بە بڕیاری دادگا کۆنگرەی 38ی جەهەپ هەڵوەشێنرایەوە، قەییووم بۆ سەرۆکی پاریزگای ئیستەنبووڵ دانرا، کۆنگرەی جەهەپە لە شەش شارۆچکەی وەستێنرا، گرژییەکان زیاتر بوون و جەهەپە هەوڵی کۆکردنەوەی و ڕێکخستنەوەی پارتەکەی دەدات. 

لێدوانی فەرمی: ئۆزگور ئۆزێل، سەرۆکی جەهەپە، جارێکی دیکە بە تووندی هێرش دەکاتە سەر دەسەڵات و ڕووداوەکانی بە سیناریۆیەکی ئاکپارتی ناودەبات. 

ئۆزێل ڕووی دەمی کردە جەماوەرەکەی و پێیانی گوت : چاوەڕێی چیتان دەکرد، سەرۆککۆماری تورکیا بە ئاسانی دەسەڵات ئاڵۆگۆڕ بکات و بۆ ئێمەی جێ بهێڵێت، ئەوە دەزانین ڕۆژانی سەخت بۆ پارتەکەمان بەڕێوەیە، ڕەنگە کێشەی گەورەترمان بەسەر بێت، بۆیە ئەوەی دەبێت باجەکەی بدات دەیدات ئەوەی دەبێت زیندانی بکرێت دەکرێت، هەرچۆنێک بێت مەرجەکانی دۆخەکە لە 100 ساڵ لەمەوبەر خراپتر نییە.

-ئەگەر ئێمە یەک سانتیم چۆک دانێین، ئەوان 100 ساڵ میللەت بەرەو دواوە دەبەن و چۆک بە گەل دادەنێن.

- ئێمە بە هیچ شێوەیەک لە ڕێگەکەمان ناگەڕێینەوە چۆک بۆ پلانەکانی دەسەڵات نادەین، لەگەڵ مگەل ئەمە تێدەپەڕێنین.

لەلایەکی دیکەوە: ئەکرەم ئیمامئۆغلۆ، سەرۆکی گەورە شارەوانی ئیستەنبووڵ کە ئێستا لە زیندانە لە سۆشیال میدیا نووسیویەتی: من هەر لەسەرەتاوە وتم خۆم ڕادەستی خوا و گەل دەکەم، ئەم میللەتە گەورەیە هیچ کات منییان پەشیمان نەکردووەتەوە لەم متمانەیەم بە ئەوان.