ئاڤای خەڵک؛ خراپی ڕێگاوبان کاسبکارانی ناوچەی پیشەسازی تیماری لە هەولێر نیگەران کردووە

ئاڤا نیوز

ناوچەی پیشەسازی تیمار، کە دەکەوێتە سەر ڕێگای سەرەکی هەولێر - مەخموور، وێڕای ئەوەی زیاتر لە هەزار کارگەی جۆراوجۆری لێیە، کێشەیەکی گەورەی ڕێگاوبانی هەیە. ئەم کێشەیە بووەتە هۆی ناڕەزایەتییەکی بەرفراوانی خاوەن کارگەکان و کاریگەری نەرێنی لەسەر چالاکییە بازرگانییەکانیان داناوە.

لێدوانی فەرمی: سالار عومەر، یەکێک لە خاوەن کارگەکانی ناوچەکە، بە ئاڤای ڕاگەیاندووە "جادە و بانمان نییە، هاوینان تەپوتۆز و زستانانیش قوڕ و چڵپاوە، قیر نەکراوە." ئەم دۆخە وایکردووە کە کرێکاران بە زەحمەت ئامادەی کارەکانیان ببن، چونکە ڕێگاکان ناخۆشن و کرێکاران نایانەوێت بڕۆنە ئەوێ.

زانیاریی زیاتر: خاوەن کارگەکان داوا لە شارەوانی دەکەن تەنها دیزاینی شەقامەکانیان بۆ بکات، چونکە ئەوان ئامادەن لەسەر حیسابی خۆیان ڕێگاکان قیرتاو بکەن. سالار عومەر ئاماژەی بەوەشکردووە کە هەندێک لە خاوەن کارگەکان گرێبەستیان لەگەڵ کۆمپانیا بیانییەکان هەیە، بەڵام "ڕوویان نایەت کۆمپانیا بیانییەکان ببەنە ئەوێ، بۆیە دەیانبەنە ناو هەولێر بۆ کۆبوونەوە." ئەوەی کێشەی بۆ ئێمە دروست کردوە خراپی رێگاکان هیچ کەس سەردانمان ناکات کەل و پەل کانمان وەک پێویست نافرۆشرین بابەتەکان ساخ نابنەوە.

لەلایەکی دیکەوە: خاوەن کارگەیەکی بەرهەمهێنانی ماست بە ناڕەزایەتییەوە بە ئاڤای گوت، "هەتا ماستەکە دەبەمە سەر شەقامەکە، دەبێتە ماستاو و هەمووی تێکدەشڵەقێت."

بۆچوونی لایەنی بەرامبەر: کارزان هادی، سەرۆکی شارەوانی هەولێر، بە ئاڤای وت، "بەهۆی قەیرانی داراییەوە نەمانتوانیوە ڕێگاکەیان بۆ چاک بکەین." بەڵام دڵنیایی دا کە "ئێستا دیراسەی بۆ دەکەن و لە ماوەیەکی نزیکدا ڕێگاکانیان بۆ قیرتاو دەکرێت."