دەم پارتی و چوار پارتی دیکە لە تورکیا پشتگیری لە جەهەپە دەکەن

ئاڤا نیوز

دوای گرژییەکانی ئیستەنبووڵ و گردبوونەوەی لایەنگرانی جەهەپە لەو شارە پێنج پارتی تورکیا کە پێکهاتوون لە (دەم پارتی، پارتی سەعادەت، پارتی تیپ، پارتی دیموکراسی و پارتی زەفەر) پشتگیری لە جەهەپە دەکەن و دیموکراسی تورکیا بە " دیموکراسییەکی ساختە" ناودەبەن. 

وێنە گەورەکە: شەوی یەکشەممە، لایەنگرانی پارتی ئۆپۆزسیۆنی تورکیا (جەهەپە)، هێرشیان کردە سەر سەرۆکایەتیی پارێزگای ئیستەنبووڵ و شەڕ و پێکدادان لە نێوان خەڵک و پۆلیس دروست بوو، تا بەرەبەیان لە بەردەم باڵەخانەی پارێزگا وەستاون و ئامانجییان وەرگرتنەوەی سەرۆکایەتیی پارێزگای ئیستەنبووڵە کە قەییوومێکی بۆ دانراوە. 

 

کاردانەوەکان: (دەم پارتی) کە گەورەترین پارتی کوردییە لە تورکیا کاردانەوەی لە دژی حکومەت نیشاندا، پشتگیری لە جەهەپە دەکات، ناردنی پۆلیس بۆ سەر خەڵک و دانانی قەییووم بە دژی دیموکراسی ناودەبات. 

-ئایشەگول دۆغان، وتەبێژی دەم پارتی لەسەر هەژماری خۆی لە تۆڕی ئێکس ڕایگەیاند، ئەمە پرسی پارتێک نییە، پرسی دیموکراسییە، دانانی قەیووم واتە پێشێلکردنی دەنگ و ئیرادەی خەڵکە، ئێمە ئەوان دەناسین.

- مەحمود ئەریکان، سەرۆکی پارتی سەعادەت دەڵێت، "نابێت کارنامەی سیاسەت دابەشکردنی کۆمەڵگە بێت، بەڵکو بۆ بەهێزکردنی بەرەی ناوخۆ بێت".

-گولتەکین ئویسال، سەرۆکی پارتی دیموکراتی ڕایگەیاند، "ئێمە شەوێک ئەزموون دەکەین کە دووڕوویی ئاکپارتی و دیموکراتی ساختە بە هەموو ڕووتییەکانییەوە ئاشکرا دەبێت".

-ئەرکان باش، سەرۆکی TiP ڕایگەیاند، "هەمیشە بە هاودەنگی لە دژی کودەتا و ئەمیندارەکان و دەسەڵاتی دادوەری نایاسایی دەوەستینەوە، ئێمە پێکەوە بەرەنگاری دەبینەوە و پێکەوە سەردەکەوین".

-ئومیت ئۆزداغ، سەرۆکی پارتی زەفەر پەیوەندی بە ئۆزگور ئۆزێل، سەرۆکی جەهەپە کرد و ڕایگەیاند: ئەوەی دەکرێت بۆ ڕێگریکردنە لەهاتنە سەر دەسەڵاتی ئۆپۆزسیۆن لە تورکیا.  پێویستە بە ئارامی و عاقڵانە مامەڵە لەگەڵ دۆخەکە بکەین.