نیویۆرک تایمز: بەهۆی ڕێساکانی تاڵیبانەوە ژنان لەکاتی بوومەلەرزەکەی ئەفغانستان ڕزگار نەکراون

ئاڤا نیوز

لەماوەی ڕابردوودا بوومەلەرزەیەکی بەهێز ئەفغانستانی هەژاند و بەهۆی بوومەلەرزەکەوە زیاتر لە دوو هەزار و 200 کەسی کوشت و سێ هەزار و 600 کەسی بریندار کرد.

چیرۆکی سەرەکی: لەماوەی ڕابردوودا بوومەلەرزەیەکی بەهێز بە گوڕی 6 پلەی ڕێختەر ڕۆژهەڵاتی ئەفغانستای هەژاند و ناوەندی بومەلەرزەکە بە دووری 42 کیلۆمەتر لە باکووری ڕۆژهەڵاتی جەلال ئاباد لە قوڵایی 8 کیلۆمەتر بووە.

بڵاوکراوەی فەرمی: ڕۆژنامەی نیویۆرک تایمزی ئەمریکی بڵاویکردووەتەوە، "لەکاتێکدا کە ئەفغانستان لەژێر هەڕەشەی بوومەلەرزەکان بوو، بەڵام تیمیەکانی فریاگوزاری هاوکارییان پێشکەش بە ژنان  نەدەکرد بەهۆی ڕێسا تووندەکانی تاڵیبانەوە هاوکات ئەو ئافرەت و ژنانەی کەوتبوونە ژێر دارووپەردووەکانەوە بەهیچ شێوەیەک هەوڵ بۆ ڕزگارکردنی ژیانیان نەدەدرا، بەڵکو دەبوو چاوەڕێ بکەن تاوەکو تیمی فریاگوزاری ژنان بگەنە شوێنی ڕووداوەکان و هاوکاریی پێشکەش بەوان بکەن بەوەش ژمارەی قوربانیان ژنان بەراورد بە پیاوان لە ڕوودانی بوومەلەرزەکەدا زیاتر بوو.

ئەمەش بزانە: کۆمەڵێک ڕێسا و یاسای تایبەت بە ئافرەتان لەلایەن تاڵیبانەکانەوە جێبەجێ دەکرێن، دیارترینیان ئەمانەی خوارەوەن

٠ دوای تەواوکردنی پۆلی شەشی سەرەتایی کچان و ژنان لە قوتابخانەکان دەردەکرێن و بێبەش دەکرێن لە خوێندن.

٠ بەهەموو شێوەیەک قەدەغەیە ژنان و کچان لە ناوەندە حکومییەکان و کۆمپانیا و ڕێکخراوەکان کار بکەن.

٠ کردنەوەی ناوەندە جوانکارییەکان لەلایەن ژنانەوە بە کوفر هەژمار دەکرێت و بەهیچ شێوەیەک ناکرێت ژن ئەو کارانە بکەن.

٠ بەهیچ شێوەیەک ژنان و کچان نابێت لە شوێنە گشتییەکان ببینرێن بەبێ پیاوەکەیان.

٠ ڕۆڵگێرانی ئافرەت و کچ و ژنان لە بەرنامە تەلەفزیۆنییەکان بەهەموو شێوەیەک قەدەغەیە.