میدیای ئیسرائیل: سەرکردەیەکی باڵای بزووتنەوەی حەماس لە کاتی هێرشە ئاسمانییەکەی ئیسرائیل لە دەوحە کوژرا

ئاڤا نیوز

میدیای، ئەمڕۆ سێشەممە، هەواڵی تیرۆرکردنی سەرکردەی دیاری بزووتنەوەی حەماس خەلیل حەییەیان بڵاوکردەوە لە کاتی هێرشە ئاسمانییەکەی ئیسرائیل بۆ سەر دەوحەی پایتەختی قەتەر. 

وێنە گەورەکە: ئەمڕۆ سێشەممە ئیسرائیل لەڕێگەی فڕۆکەی جەنگییەوە ژمارەیەک بارەگای سەرکردەکانی حەماسی لە دەوحەی پایتەختی قەتەر کردە ئامانج، لە هێرشەکاندا کۆبوونەوەیەکی سەرکردایەتی حەماسیش کراوەتە ئامانج، سەرەتا میدیای ئیسرائیل کوژرانی هەریەکە لە خەلیل حەییە، زاهیر جەبار، خالید مەشعەل و نزار عەوەزەڵای بڵاوکردەوە کە دیارترین سەرکردەکانی حەماسن لە دەرەوە.

 

بڵاوەکراوەی فەرمی: سەرەتا دەستەی پەخشی ئیسرائیل ڕایگەیاند: "خەلیل لە کاتی هێرشە ئاسمانییەکەی ئیسرائیل لە دەوحە تیرۆر کرا."

 

بۆچوونی لایەنی بەرامبەر: سەرچاوەیەکی باڵای بزووتنەوەی حەماس بە کەناڵی جەزیرەی قەتەری ڕاگەیاند، هێرشەکەی ئیسرائیل کۆبوونەوەیەکی سەرکردەکانی حەماسی لە دەوحە کردووەتە ئامانج، شاندی سەرکردەکانی حەماسیش بەسەرۆکایەتیی خەلیل حەییە، جێگری سەرۆکی مەکتەبی سیاسی بزووتنەوەکە لە هێرشەکە ڕزگاریان بووە.

 

لەلایەکی دیکەوە: کەناڵی 14ی ئیسرائیلی لە زاری بەرپرسێکی ئیسرائیلییەوە گواستیەوە: "هێرشمان کردە سەر سەرکردایەتی حەماس لە قەتەر، لەنێویاندا خەلیل حەییە و زاهیر جەبارین و چاوەڕێی ئەنجامەکانین."