چەند سەرمایەدارێک هەوڵی کڕینەوەی موڵکەکانی شاسوار عەبدولواحید دەدەن

ئاڤا نیوز

 

چەند سەرمایەدارێک بۆ کڕینەوەی موڵکەکانی شاسوار عەبدولواحید داواکارییان پێشکەش کردەو و ئاڤا زانیویەتی هەفتەکانی داهاتوو پرۆسەی مەزادکردنە جێبەجێ دەکرێت.

 

وێنە گەورەکە: شاسوار عەبدولواحید، سەرۆکی جووڵانەوەی نەوەی نوێ کە خاوەندارێتیی هەردوو کۆمپانیای نالیا و چاڤی دەکات و ئێستا سزای پێنج زیندانیکردنی بەسەردا سەپێنراوە، لە سەرەتای دامەزراندنی کۆمپانیاکانی قەرزێکی زۆری بەناوی وەبەرهێنان لە حکومەتی هەرێمی کوردستان وەرگرتبوو، ئێستا بڕی قەرزەکان گەیشتووەتە بڕی 92 ملیار دینار، وەزارەتی دارایی و ئابووریی کوردستان بڕیاری داوە 60 موڵکی شاسوار عەبدولواحید بخاتە زیادکردنی ئاشکراوە و بیانفرۆشێت.

 

زانیاریی بەدەستهاتوو: سەرچاوەیەک لە وەزارەتی دارایی بە ئاڤای ڕاگەیاند: لە ڕۆژانی ڕابردوو چەند کەسێک داواکارییان بۆ کڕینەوەی موڵکەکانی شاسوار عەبدولواحید پێشکەش کردووە و پارەی پێویستیان بۆ ڕێکارە ئیدارییەکانی بەردەم زیادکردنە ئاشکراکە (مەزادەکە) پێشکەش کردووە. 

 

زانیاریی زیاتر: ئاڤا میدیا زانیویەتی لە هەفتەکانی داهاتوو پڕۆسەی مەزادکرنی موڵکەکانی سەرۆکی جووڵانەوەی نەوەی نوێ بە تەواوی جێبەجێ دەکرێت، بەمەش هەر سەرمایەدار و کۆمپانیایەک توانای کڕینەوەی موڵکەکانی هەبێت، دەتوانێت داواکاری پێشکەش بکات و بەشداری مەزادەکە بکات.

 

ئەمەش بزانە: موڵکەکانی ئەو دوو کۆمپانیایەی شاسوار عەبدولواحید، چەندین پارچە زەوی، هۆتێل، کافتریا، کابینەی گەشتیاری و چەند موڵکێکی دیکەن، بڕیارەکە لەبەرامبەر ئەو قەرزانەی دراوە کە لەسەر ئەو دوو کۆمپانیایە کەڵەکە بووە، پارەکەش بۆ پڕۆژەی وەبەرهێنان لە حکومەت قەرز کراوە، شاسوار عەبدولواحید و زیادەی هاتووەتەسەر.

 

باکگراوند: دوای سێ جار دانیشتنی دادگا، سەرەنجام ڕۆژی سێشەممە ڕێککەوتی 2ـی 9ـی 2025 دادگای سلێمانی سزای پێنج مانگ زیندانیکردنی بەسەر شاسوار عەبدولواحید، سەرۆکی جوڵانەوەی نەوەی نوێ سەپاند.