ڕووسیا: هێرشی ئیسرائیل بۆ سەر قەتەر هەموو هەوڵەکانی ئاشتی لەناودەبات

ئاڤا نیوز

وەزارەتی دەرەوەی ڕووسیا بە تووندی هێرشی ئیسرائیل بۆ سەر دەوحە ئیدانە دەکات و ڕایدەگەینێت بەم کارانە هەموو هەوڵە نێودەوڵەتییەکان بۆ ئاشتی خرانە مەترسیەکی گەورەوە.

وێنە گەورەکە: دوای ئەوەی ڕۆژی سێشەممە، ئیسرائیل لە ڕێگەی هێرشی ئاسمانیەوە شاندی دانوستانی بزووتنەوەی حەماسی لە قەتەر کردە ئامانج، دەوڵەتان هێرشەکەی ئیسرائیل سەرکۆنە دەکەن و بە لەناوبردنی هەوڵە دیپلۆماسیەکان بۆ ئاشتی تۆمەتبار دەکەن.

بڵاوکراوەی فەرمی: ئەمڕۆ چوارشەممە وەزارەتی دەرەوەی ڕووسیا لە بڵاوکراوەیەکی فەرمیدا ڕایگەیاند: ئەم ڕووداوە پێشێلکردنی گەورەی یاسا نێودەوڵەتییەکان و جاڕنامەی نەتەوەیەکگرتووەکان بوو، دەستدرێژییەکە بۆ سەر سەروەری و یەکپارچەیی خاکی دەوڵەتێکی سەربەخۆ، هەنگاوێکە کە دەبێتە هۆی زیاتر پەرەسەندن و ناسەقامگیرکردنی دۆخەکە لە ڕۆژهەڵاتی ناوەڕاستدا."

زانیاریی زیاتر: وەزارەتی دەرەوەی ڕووسیا لە بڵاوکراوەکەدا ئیسرائیل بە لەناوبردنی هەوڵەکانی ئاشتی تۆمەتبار دەکات و ڕایگەیاندووە: "ئەو جۆرە ڕێگایانەی شەڕکردن لەگەڵ ئەوانەی کە ئیسرائیل بە دوژمن و نەیاری خۆیانی دەزانێت، شایستەی بەهێزترین سەرکۆنەکردنن، هەروەک چۆن بە هێرشی مووشەکی بۆ سەر قەتەر  ئامانجی لەناوبردنی هەوڵە نێودەوڵەتییەکانە بۆ دۆزینەوەی چارەسەری ئاشتییانە.