شاندی باڵای ئیمارات بۆ كاروباری ئابووریی هەرێمی كوردستان گەیشتە هەولێر

ئاڤا نیوز

شاندێكی باڵای ئیمارات بە مەبەستی وەبەرهێنان گەیشتە هەرێمی كوردستان و لەلایەن سەرۆكی هەرێمی كوردستانەوە پێشوازییان لێكرا.

چیرۆكی سەرەكی: ئەمڕۆ چوارشەممە 10ـی ئەیلوولی 2025، نێچيرڤان بارزانى، سەرۆکی هەرێمی کوردستان پێشوازيى له‌ سەعید ئەلهاجری، وه‌زيرى ده‌وڵه‌ت و نێرده‌ى تايبه‌تى ئيمارات بۆ كاروبارى ئابوورى بۆ هه‌رێمى كوردستان و شاندێكى ياوه‌رى كرد.

لێدوانی فەرمی: سەفین دزەیی، بەرپرسی پەیوەندییەكانی دەرەوەی هەرێمی كوردستان تایبەت بە ئاڤا ڕایگەیاند، وەزیری دەوڵەتی ئیمارات بۆ كاروباری ئابووریی هەرێمی كوردستان، دوو ڕۆژ دەمێنێتەوە و دیدار و كۆبوونەوەی لەگەڵ سەرۆكی هەرێمی كوردستان، سەرۆكوەزیرانی هەرێمی كوردستان و بەرپرسانی وەبەرهێنان و ئابووریی هەرێمی كوردستان دەبێت.

دزەیی ئاماژەی بەوەشكرد، سەرەتای ئەمساڵ سەرۆکوەزیران مەسرور بارزانی بەشداری لە کۆڕبەندێک لە وڵاتی ئیمارات کرد و لێکتێگەیشتنێکی واژۆ کرد، کە چەندین بواری جیاجیای لەخۆگرتبوو، بۆ پەرەپێدانی ئابووری و پەیوەندییەکانی هەردوولا، بۆیە لەسەر ئەو بنەمایە وەزیری دەوڵەتی ئیمارات سەردانی هەرێمی کوردستان دەکات، چونکە وەک نێردەی تایبەتی دەوڵەتی ئیمارات دیاری کراوە، تا لەگەڵ هەرێمی کوردستان لە بوارەكانی وەبەرهێنان و بازرگانیدا کار بکات.

پەیوەست بەم بابەتە: نێچیرڤان بارزانی سوپاس و پێزانینی بۆ شێخ محەممەد بن زاید ئال نەهیان، سەرۆكی ئیمارات دووپات كردەوە كە لە مانگی نیسانی ڕابردوو، جەختی لە ناردنی نێردەیەكی تایبەتی ئیمارات بۆ وەبەرهێنان بۆ هەرێمی كوردستان كردبووەوە.

باكگراوند: هەرێمی کوردستان پەیوەندییەکی دۆستانە و نزیک و پتەوی لەگەڵ دەوڵەتی ئیمارات هەیە، لە بوارەكانی ساسیی، دیپلۆماسی، ئابووری و بازرگانی هاوبەش، هەروەها بازرگانانی هەرێمی کوردستان لە ڕێگەی ئێماراتەوە بازرگانی لەگەڵ وڵاتانی ئاسیا دەکەن.