ئاڤای خەڵك؛ لە هەولێر ژمارەیەک کرێکاری پڕۆژەیەکی نیشتەجێبوون داوای حەقی کارکردنی 22 ڕۆژیان دەکەن

ئاڤا نیوز

بەشێک لە کرێکار و سەرپەرشتیارانی پڕۆژەیەکی نیشتەجێبوون لە شاری هەولێر، سکاڵای ئەوەیان تۆمارکردووە کە بڕی دوو هەزار و پێنجسەد دۆلار (25 وەرەقە) ـیان وەک حەقدەستی 22 ڕۆژ کارکردن لەلایەن پڕۆژەکەوە پێنەدراوە.

زانیاریی بەدەستهاتوو: ئەو کرێکارانە ڕایانگەیاندووە، چەندین جار سەردانی کۆمپانیای سەرپەرشتیاری پڕۆژەکەیان کردووە، بەڵام بێ سوود بووە و پارەکەیان وەرنەگرتووە.

لێدوانی فەرمی: خاوەنی کۆمپانیاکە بە ئاڤای وت،  ئەم کەسانە لە مانگی 8ـی ساڵی 2024 بۆ ماوەیەک لەلای ئەوان کاریان کردووە و گوتی: "با بێنە کۆمپانیا و لەگەڵ ژمێریارەکە دابنیشن، ئەگەر پارەیان لای ئێمە مابێت، لەم هەفتەیەدا پارەکانیان دەدەین و مافی هیچ کەسێک لای ئێمە نافەوتێت."