نەتانیاهۆ هەڕەشەی دووبارە هێرشکردنەوە سەر قەتەر دەکات

ئاڤا نیوز

بنیامین نەتانیا، سەرۆکوەزیرانی ئیسرائیل جارێکی دیکە هەڕەشەی لە قەتەر کرد کە "ئەگەر بێتو بەرپرسانی حەماس سنوورداش نەکات"، هێرش دەکاتەوە سەر ئەو وڵاتە.

چیرۆکی سەرەکی: ئیسرائیل ڕۆژی سێشەممە شوێنی مانەوەی شاندی دانووستانکاری بزووتنەوەی حەماس لە دەوحەی قەتەری کردە ئامانج. هێرشە ئاسمانییەکەی ئیسرائیل لە لایەن زۆربەی وڵاتانی جیهانەوە سەرکۆنە کرا.

بڵاوکراوەی فەرمی: نەتانیاهۆ لە تۆمارێکی ڤیدیۆییدا کە لە هەژماری تایبەت بە ئۆفیسی سەرۆکوەزیرانی ئیسرائیل بڵاوکراوەتەوە، بۆ دەسەڵاتدارانی قەتەر ڕایگەیاندووە، "یان سنوورداشیان بکەنەوە و یان ڕادەستی یاسایان بکەن و یان ئێمە ئەوەی پێویست بێت ئەنجامی دەدەین".

زانیاریی بەدەستهاتوو: سەرۆکوەزیرانی ئیسرائیل وێڕای ئاماژەدان بە هێرشەکانی حەماس لە 7ی ئۆکتۆبەری 2023 و چواندنی بە هێرشەکەی 11ی ئەیلوول، هەوڵی دا ڕەوایەتیی بدات بە هێرشەکانی بۆ سەر قەتەر بەو بیانوویەی کە لەوێوە حەماس پلانی هێرشەکانی داڕشتووە.

چیرۆکی سەرەکی: ئیسرائیل ڕۆژی ڕابردوو شوێنی مانەوەی شاندی دانووستانکاری بزووتنەوەی حەماس لە دەوحەی قەتەری کردە ئامانج. هێرشە ئاسمانییەکەی ئیسرائیل لە لایەن زۆربەی وڵاتانی جیهانەوە سەرکۆنە کرا.