ئەنجوومەنی وەزیران دوو بڕیار لەبارەی وەرگرتنەوەی قەرز و سوود دەدات

ئاڤا نیوز

ئەنجوومەنی وەزیراندا بڕیاری داوە بە لێخۆشبوون بە ڕێژەی 15%ی ئەو قەرز و پێشینانەی پێشتر دراونەتە هاووڵاتییان، بەوهۆیەوە سەرووی هەزاران کەس سوودمەند دەبن. ئەو سوودەی هاتووەتە سەر قەرزەکانیش لێخۆشبوونی بۆ دەردەکرێت.

وێنە گەورەکە: لەماوەی ساڵانەی ڕابردوو، هەزاران هاووڵاتی لە قەرز و پێشینەی  (خانووبەرە، کشتوکاڵی، پیشەسازی، گەشتیاری و نیشتەجێکردن) سوودمەند بوون، بەشێوەی قەرز دەدرایەوە بانکە پسپۆڕییەکان، بەشێکی هاووڵاتییان پارەکەیان گەڕاندووەتەوە بەشێکیان ماون.

چیرۆکی سەرەکی: ڕۆژی چوارشەممە ڕێککەوتی 10ـی 9ـی 2025 ئەنجوومەنی وەزیرانی هەرێمی کوردستان بە سەرپەرشتی سەرۆکوەزیران مەسرور بارزانی، ئامادەبوونی قوباد تاڵەبانی، جێگری سەرۆکوەزیران کۆبووەوە سێ تەوەری گرنگ و پەیوەست بە ژیانی خەڵک تاوتوێ کران. تەوەرەکان بریتیبوون لە: یاسای ڕاژە و خانەنشینی پێشمەرگە، پێشنیارێک سەبارەت بە قەرز و پێشینەکانی هاونیشتمانییان، هەروەها ڕێکخستنەوەی ڕێکار و ڕێنماییەکانی تایبەت بە باج، گفتوگۆی لەسەر کرا.

ڕاگەیێنراوی فەرمی: ئەنجوومەنی وەزیران بڕیاریدا ئاسانکاریی پێویست بۆ ئەو هاووڵاتییانەی کە پێشتر سوودمەند بوون لە پێشینە وقەرزەکانی بانکەکانی سەر بە وەزارەتی دارایی بکات، ئەویش بە لێخۆشبوون بە ڕێژەی 15٪ی بڕی ئەو پێشینە و قەرزانە، سەرەڕای لێخۆشبوون لە تەواوی سوودی بانکیی و پێبژاردنی دواکەوتنی دانەوەی قەرزەکان، ئەم ئاسانکارییەش تاوەکو 2025-12-31 بەرکار دەبێت.

زانیاریی بەدەستهاتوو: بڕیاری لێخۆشبوونەکە لە تەواوی سوودی دواکەوتن دەکرێت، جگە لە سوودی دواکەوتنی قەرزی کشتوکاڵی، کە پێشووتر ئەنجوومەنی وەزیران بڕیاری لێخۆشبوونی لەو قەرزە داوە.

ژمارەکان وادەڵێن: ئەو قەرزانە لەڕێگەی 28 بانکەوە بە هاووڵاتیان دراون، بڕی گووژمەی خەرجکراو و گووژمەی گەڕاوە بەمشێوەیە..

لەڕێگەی 16 بانک بڕی سێ تریلیۆن و 214 ملیار و 513 ملیۆن و 485 هەزار و 300 دینار قەرزی خانووبەرە بە هاووڵاتیان دراوە، یەک تریلیۆن و 625 ملیار و 731 ملیۆن 100 هەزار و 151 دینار گەڕێنراوەتەوە، یەک تریلیۆن و 588 ملیار و 782 ملیۆن و 358 هەزار و 149 دینار، لای هاووڵاتییان ماوە.

لەڕێگەی  6 بانک  بڕی 209 ملیار و 858 ملیۆن و 853 هەزار و 800 دینار پێشینەی کشتوکاڵی بە هاووڵاتیان دراوە، 153 ملیار و 283 ملیۆن 724 هەزار و 110 دینار گەڕێنراوەتەوە، 56 ملیار و 575 ملیۆن و 129هەزار و 490 دینار، لای هاووڵاتیان ماوە.

لەڕێگەی  3 بانک  بڕی 43 ملیار و 633 ملیۆن و 76 هەزار دینار پێشینەی پیشەسازی بە هاووڵاتیان دراوە، 26 ملیار و 947 ملیۆن 459 هەزار و 750 دینار گەڕێنراوەتەوە، 16 ملیار و 685 ملیۆن و 616 هەزار و 250 دینار، لای هاووڵاتیان ماوە.

لەڕێگەی  3 بانک  بڕی 578 ملیار و 121 ملیۆن و 852 هەزار و 750 دینار پێشینەی نیشتەجێکردن بە هاووڵاتیان دراوە، 286 ملیار و 339 ملیۆن 49 هەزار و 150 دینار گەڕێنراوەتەوە، 291 ملیار و 782 ملیۆن و 803 هەزار و 600 دینار، لای هاووڵاتیان ماوە.

لەڕێگەی  یەک بانک  بڕی دوو ملیار و 230 ملیۆن دینار پێشینەی گەشتوگوزاری بە هاووڵاتییان دراوە، 298 ملیۆن 60 هەزار و  دینار گەڕێنراوەتەوە، یەک ملیار و 931  ملیۆن و 940 هەزار  دینار، لای هاووڵاتیان ماوە.

کۆی گشتیی ئەو قەرز و پێشینانە؛ 30 تریلیۆن دیناری سوودی دواکەوتنی دانەوەی قەرزەکەی هاتووەتەسەر، کە ئەنجوومەنی وەزیران لێخۆشبوونی دەرکردووە.