ئاگرەکەی بازاڕی چەلێ لە دهۆک بەتەواوی کۆنترۆڵ کرا

ئاڤا نیوز 

کەمێک پێش ئێستا؛ ئاگرەکەی بازاڕی چەلێ لە شاری دهۆک لەلایەن تیمەکانی بەرگریی شارستانییەوە بەتەواوی کۆنترۆڵ کرا.

 

چیرۆکی سەرەکی: نزیک کاتژمێر 04:00ـی بەرەبەیانی ڕۆژی دووشەممە 01-04-2024 ئاگرێکی گەورە لە بازاڕی چەلێ لە سەنتەری شاری دهۆک کەوتەوە، بەهۆی گەورەیی ئاگرەکە دوای زیاتر لە دوو کاتژمێر لە هەوڵەکانی تیمەکانی بەرگریی شارستانیی دهۆک توانرا کۆنترۆڵ بکرێت.

 

لێدوانی فەرمی: عەمید حەسەن خورشید، بەڕێوەبەری بەرگریی شارستانی دهۆک بۆ ئاڤا نیوز ڕایگەیاند: ئێستا ئاگرەکە بەتەواوی کۆنترۆڵ کراوە، نزیکەی 400 کارمەندی تیمەکانمان لە هەوڵی کۆنترۆڵکردنی ئاگرەکەدا بوون. 

 

هۆکارە زانراوەکان: بەڕێوەبەری بەرگریی شارستانیی دهۆک بۆ ئاڤا نیوز ڕایگەیاند: گومان دەکرێت ئاگرەکەی بازاڕی چەلێ لە ئەنجامی شۆرتی کارەباوە ڕوویدابێت، لێکۆڵینەوە لەمبارەیەوە دەستپێدەکات و هۆکارەکەی ئاشکرا دەکرێت.

 

زیانە سەرەکییەکان: نزیکەی 200 دووکان لە بازاڕی چەلێ لە دهۆک بەهۆی ئاگرکەوتنەوەکە سووتاون.