نرخی زێڕ جارێکی دیکە ڕووی لە دابەزین کرد

ئاڤا نیوز

نرخی زێڕ جارێکی دیکە لە بازاڕەکانی هەرێمی کوردستان بەشێوەیەکی بەرچاو ڕووی لە دابەزین کرد، سەندیکای زێڕەنگرانی هەولێریش دەڵێت: پێشبینی دەکەین نرخەکەی ڕوو لە جێگیربوون بکات.

لێدوانی فەرمی: سەفین وەرتی، ئەندامی سەندیکای زێڕەنگرانی هەولێر بە ئاڤا میدیای ڕاگەیاند: نرخی زێڕ لە بازاڕدا دابەزیوە، هەر ئۆنسەیەک زێڕ 20 دۆلار و مسقاڵێک زێڕیش پێنج هەزار دینار دابەزیوە.

لە بەشێکی دیکەی قسەکانیشیدا باسی لەوەشكرد: پێشبینی دەکەین نرخی زێڕ تاوەکو 17ی ئەیلوول لەم نرخەی ئێستای جێگیر ببێت.

زانیاریی زیاتر: نرخی زێڕ لە بازاڕەکانی هەرێمی کوردستان بەم جۆرەیە:-

مسقاڵێک زێڕی عەیار 22 بە 765 هەزار دینارە

مسقاڵێک زێڕی عەیار 21 بە 730 هەزار دینارە

مسقاڵێک زێڕی عەیار 18 بە 625 هەزار دینارە

ئەوەی پێویستە بیزانیت: ئێستا یەک ئۆنسە زێڕ لە بازاڕدا بە سێ هەزار و 627 دۆلار مامەڵەی پێوە دەکرێت.