ئەمریکا ڕەزامەندی دا لەسەر فرۆشتنی مووشەک بە بەهای زیاتر لە یەک ملیار دۆلار بە فینلەندا

ئاڤا نیوز

وەزارەتی دەرەوەی ئەمریکا، ڕەزامەندی نیشاندا بە فرۆشتنی مووشەکی مەودا مامناوەند بە فینلەندا بە بەهای 1.07ملیار دۆلار.

چیرۆکی سەرەکی: حکومەتی فینلەندا داوای کڕینی 405 مووشەکی AIM-120D-3 پێشکەوتووی مەودای مامناوەندی ئاسمانی کردووە، ئەمریکاش ڕەزامەندی لەسەر فرۆشتنی دەربڕیوە.

ڕاگەیێنراوی فەرمی: لە ڕاگەیێنراوێکدا کە لەلایەن ئاژانسی هاریکاری ئاسایشی بەرگریی سەربە وەزارەتی جەنگی ئەمریکاوە بڵاوکراوەتەوە، ئاماژە بەوە کراوە وەزارەتی دەرەوەی ئەمریکا ڕەزامەندی نیشانداوە بە بەهای 1.07ملیار دۆلار مووشەکی پێشکەوتووی مەودا مامناوەندی ئاسمانی "AIM-120D-3" و کەرەستە پەیوەندیدارەکانی بە فینلەندا بفرۆشێت.

ئەم فرۆشتنە پاڵپشتی لە سیاسەتی دەرەوە و ئامانجەکانی ئاسایشی نەتەوەیی ئەمریکا دەکات بە باشترکردنی ئاسایشی هاوپەیمانێکی ناتۆ کە هێزێکە بۆ سەقامگیری سیاسی و پێشکەوتنی ئابووری لە ئەوروپا.

توانای فینلاند باشتر دەکات بۆ بەرەنگاربوونەوەی هەڕەشەکانی ئێستا و داهاتوو و بەرزکردنەوەی توانای کارکردنی لەگەڵ هێزەکانی ئەمریکا و هاوپەیمانەکانی دیکە.

زانیاریی زیاتر:  جەخت لەسەر ئەوە کراوەتەوە کە ئەم فرۆشتنە توانای بەرگریی فینلەندا لە بەرامبەر هەڕەشەکانی ئێستا و داهاتوو و ئاسایشی وڵاتەکە زیاد دەکات، ئەوەیش خراوەتەڕوو کە ئەمە هاوسەنگی سەربازیی بنەڕەتی لە ناوچەکەدا ناگۆڕێت.