ڕووسیا و بیلاڕووس مانۆڕی سەربازی دەکەن

ئاڤا نیوز

ڕووسیا و بیلاڕووس مانۆڕی سەربازیی هاوبەشیان لە نزیک مینسکی پایتەختی بیلاڕووس دەستپێکرد. 

وێنە گەورەکە: ئەم مانۆڕەی ڕووسیا و بیلاڕووسی هاوپەیمانی لە کاتێکدایە کە ناتۆ، مۆسکۆ بە بەزاندنی ئاسمانی پۆڵەندا تۆمەتبار دەکات و ئەمەش گرژییەکانی نێوانیانی زیاتر کردووە.

لەلایەکی دیکەوە: ئەم مانۆڕە لە کاتێکدایە کە هێزەکانی ڕووسیا لە دژی ئۆکرانیا لە جەنگدا و هاوکات هێرشە ئاسمانییەکان بۆ سەر شارەکانی ئۆکرانیا زیاتر کردووە.

زانیاریی زیاتر: بە هۆی مانۆڕەکەوە ئەندامانی ڕۆژهەڵاتی ناتۆ کە هاوسنوورن لەگەڵ بێلاڕووس - پۆڵەندا، لیتوانیا و لاتڤیا - لە ئامادەباشییەکی زۆردان و پۆڵەندا فەرمانی داخستنی تەواوەتی سنوورەکانی لەگەڵ بیلاڕووس بۆ ماوەی ڕۆژانی مانۆڕەکە دەرکردووە.