نەتانیاهۆ: هیچ هیوایەک بۆ ڕازیکردنی میسر لەبارەی گواستنەوەی خەڵکی غەززە نییە

ئاڤا نیوز

لە دوایین کۆبوونەوەی حکومەتی ئیسرائیل، پلانی چۆڵکردنی فەڵەستینییەکان لە کەرتی غەززە لە ڕێگەی وشکانی و دەریایی و ئاسمانییەوە لە مانگی داهاتووەوە تاوتوێ کراوە و نەتنیاهۆ دووپاتی کردووەتە، هیچ هیوایەک نییە بۆ ڕازیکردنی میسر بە گواستنەوەی فەڵەستینییەکان بۆ ئەو وڵاتە یان لە ڕێگەی ئەو وڵاتەوە بۆ شوێنێکی دیکە.

چیرۆکی سەرەکی: دامەزراوەی ئەمنی ئیسرائیل پلانی گواستنەوەی خەڵکی غەززەی بۆ دەرەوە پێشکەش بە بنیامین ناتانیاهۆ، سەرۆکوەزیرانی ئیسرائیل کردووە، کە بڕیارە یەکشەممەی داهاتوو وردەکارییەکانی بخاتە بەردەم مارکۆ ڕۆبیۆ، وەزیری دەرەوەی ئەمریکا لەکاتی گەیشتنی بۆ ئیسرائیل.

ڕاگەیێنراوی فەرمی: کەناڵی 12ـی ئیسرائیلی بڵاویکردەوە، گیلا گاملەئیل، وەزیری هەواڵگری ئیسرائیل لە میانی دانیشتنەکەدا داوای پێویستیی ڕازیکردنی میسری کرد بۆ ئەوەی ڕێگە بە ئاوارەکان بدات بە خاکەکەیدا تێپەڕن، بەڵام نەتانیاهۆ بە ڕەشبینییەوە وەڵامی ئەم پێشنیازەی دایەوە و وتی: "هیچ هیوایەک نییە بۆ ئەوەی میسرییەکان بەوە ڕازیبن.

ئەمەش ڕەنگدانەوەی گەورەی ئەو ئاستەنگانەیە کە ڕووبەڕووی پلانی ئیسرائیل دەبێتەوە، بەتایبەتی لە ژێر ڕۆشنایی هەڵوێستی پتەوی میسردا کە هەر پڕۆژەیەک بۆ ئاوارەبوون یان نیشتەجێکردنی فەڵەستینییەکان لە دەرەوەی کەرتی غەززە ڕەتدەکاتەوە.