خەلیل ئەلحەیە نوێژی مردوو لەسەر کوڕەکەی دەکات

ئاڤا نیوز

ڕۆژی هەینی، بزووتنەوەی مقاوەمەی ئیسلامی (حەماس) ڕایگەیاند، دکتۆر خەلیل ئەلحەیە سەرۆکی بزووتنەوەکە لە غەززە نوێژی پرسەی کوڕەکەی لە دەوحەی پایتەختی قەتەر ئەنجامدا.

چیرۆکی سەرەکی: سێشەممەی ڕابردوو، ئیسرائیل هێرشی کردە سەر بارەگای شاندی دانوستانکاری بزووتنەوەی حەماس لە دەوحە، لە ئەنجامدا هومام ئەلحەیە کوڕی خەلیل ئەلحەیە، سەرۆکی شاندەکە و چەند کەسێکی دیکە گیانیان لەدەستدا.

ڕاگەیێنراوی فەرمی: حەماس ڕایگەیاند: "دکتۆر خەلیل ئەلحەیە، بەرپرسی بزووتنەوەی حەماس لە کەرتی غەززە، نوێژی مردووی لەسەر کوڕە شەهیدەکەی هومام و شەهیدانی هەوڵی تیرۆری خیانەتکارانە لە دەوحە ئەنجامدا، ئەمەش دوا بەدوای ڕێکخستنی ئەمنیی تایبەت."

زانیاریی زیاتر: شاندی دانوستانکاری حەماس لە هەوڵی تیرۆرکردن ڕزگاریان بوو، بەڵام کوڕەکەی ئەلحەیە بە ناوی هومام و و جیهاد لەبەد، بەڕێوەبەری نووسینگەی ئەلحەیە و سێ پاسەوان کە بریتین لە عەبدوڵڵا عەبدولواحید و موئمین حەسوونە و ئەحمەد مەملووک کوژران.