سکرتێری گشتیی ناتۆ: هەموومان لەژێر مەترسی ڕووسیاداین

ئاڤا نیوز

سکرتێری گشتی ناتۆ هۆشداری دەدات لە مەترسییەکانی ڕووسیا بۆ سەر ئەوروپا و دەڵێت، پێشکەوتنی تەکنەلۆژیای مووشەکی ڕووسیا وادەکات بە خێراییەکی زۆر دەتوانێت بگاتە پایتەختەکانی ئەوروپا.

وێنە گەورەکە: سەرەڕای کۆبوونەوەی لووتکە لەنێوان ڕووسیا و ئۆکراینا و سەرکردەی وڵاتانی ئەوروپا لەگەڵ سەرۆکی ئەمریکا بۆ کۆتاییهێنان بە جەنگی سێ ساڵەی نێوان ڕووسیا و ئۆکراینا، بەڵام تاوەکو ئێستا دەرئەنجامی ئەرێنی بەدی نەکراون و هەردوو وڵات بەردەوامن لە هێرشکردنە سەر یەکتر.

لێدوانی فەرمی: مارک ڕووتە، سکرتێری گشتی ناتۆ، لە لێدوانێکیدا هۆشداریدا لەوەی کە چیتر دووری جوگرافی ناتوانێت هیچ گەرەنتییەکی ئەمنی دابین بکات لە بەرامبەر هەڕەشەکانی ڕووسیادا. ڕوت ئاماژەی بە پێشکەوتنی تەکنەلۆژیای مووشەکی ڕووسیا کرد کە بە خێراییەکی زۆر دەتوانێت بگاتە پایتەختەکانی ئەوروپا، هۆشداری لە تەکنەلۆژیا پێشکەوتووەکەی ڕووسیا لە بواری مووشەک دەدات و دەڵێت " هەموومان لەژێر مەترسی ڕووسیاداین".

لەلایەکی دیکەوە: مارک ڕووتە ڕوونیکردەوە: "هەموومان زۆر لەیەکەوە نزیکین، لە چوارچێوەی نوێترین تەکنەلۆژیای مووشەکی ڕووسیادا." وەک نموونە، ئاماژەی بەوەدا کە جیاوازیی کات لەنێوان لیتوانیا و شارەکانی وەک لۆکسمبۆرگ، لاهای یان مەدرید تەنیا پێنج بۆ دە خولەکە بۆ ئەوەی فڕۆکە بێفڕۆکەوانەکانی ڕووسیا بتوانن ئامانجەکانیان لەو وڵاتانە بپێکێنن.