بافڵ تاڵەبانی لە سەرۆکی لیستی یەکێتی دەکشێتەوە

ئاڤا نیوز

بافڵ تاڵەبانی بەهۆی هەڵوێستی پارتی لەبارەی هەڵبژاردن پەشیمان دەبێتەوە لەوەی خۆی سەرۆکایەتیی لیستی یەکێتی بکات لە سلێمانی.

وێنە گەورەکە: بڕیار بوو بافڵ تاڵەبانی لە بازنەی سلێمانی خۆی سەرۆکایەتیی لیستی یەکێتی بکات بۆ هەڵبژاردنی پەرلەمانی کوردستان، بەڵام بەر لە پێشکەشکردنی ناوی بەربژێران بە کۆمیسیۆن کشاوەتەوە.

هۆکارە زانراوەکان: لە چەند ڕۆژی ڕابردوودا دوای ئەوەی دڵنیابووەتەوە لەوەی پارتی نیازی نییە لیستی بەربژێرانی پێشکەشی کۆمیسیۆن بکات، پەشیمان بووەتەوە و د.میران محەممەد، بەڕێوەبەری  پێشووی تەندروستیی سلێمانی لە شوێنی خۆی داناوە.

 

ئەوەی پێویستە بیزانیت: میران محەممەد تاوەکو ڕووداوەکانی هەشتی تەمموز ئەندامی مەکتەبی سیاسیی یەکێتی و کەسێکی نزیکی لاهوور شێخ جەنگی بوو، بەو هۆکارە لەلایەن میدیای ئەو حیزبەوە هێرشی تووندی کرایە سەر و بڵاوکرایەوە کە بەتۆمەتی "تێوەگلان لە گەندەڵی" فەرمانی دەستگیرکردنی بۆ دەركراوە.