ئۆکرانیا پاڵاوگەیەکی نەوتی ڕووسیای کردە ئامانج

ئاڤا نیوز

لەبەردەوامی شەڕی ڕووسیا و ئۆکرانیا، کێیڤ بە فڕۆکەی بێفڕۆکەوان ‌هێرشی کردە سەر پاڵاوگەیەکی نەوتی ڕووسیا و زیانی گەورەی پێگەیاند.

زانیاریی بەدەستهاتوو: ئەلێکساندەر درۆزدێنکۆ، پارێزگاری ناوچەی ئۆبلاستی لینینگراد دەڵێت: فڕۆکە بێفڕۆکەوانەکانی ئۆکرانیا هێرشیان کردە سەر پاڵاوگەی نەوتی کیریشی لە ڕووسیا، کە بووەتە هۆی دروستبوونی تەقینەوە و ئاگرکەوتنەوەیەکی گەورە، هاوکات هەڵسەنگاندنە سەرەتاییەکان دەریدەخەن کە ژێرخانی پاڵاوگەکە زیانێکی بەرچاوی بەرکەوتووە.

زانیاریی زیاتر: بەهۆی هێرشەکەوە تاوەکو ئێستا هیچ زیانێکی گیانی تۆمار نەکراوە، هیچ لێدوانێک لەلایەن کیێڤەوە لەسەر ئەم هێرشە نەدراوە.

ئەمەش بزانە: ئەم دامەزراوەیە یەکێکە لە کارگە سەرەکییەکانی پاڵاوتنی نەوتی ڕووسیا، توانای پاڵاوتن و کۆگاکردنی زیاتر لە 17 ملیۆن تۆن نەوتی هەیە لە ساڵێکدا.