پلاندانانی عێراق؛ لە ماوەی 15 مانگدا بڕی 28 تۆن زێڕ هاوردە کراوە

ئاڤا نیوز

وەزارەتی پلاندانانی عێراق داتای نوێ تایبەت بە بازرگانی زێڕ ئاشکرا دەکات، لە مانگی 10ـی 2023 تا کۆتایی مانگی 11ـی 2024، بڕی 28 تۆن و 298 کیلۆگرام زێڕ لە ڕێگەی فڕۆکەخانەکانی بەغداد و نەجەفەوە هاوردە كراون.

ڕاگەیێنراوی فەرمی: فەیاز دلێمی، سەرۆکی دەزگای ناوەندی بۆ پێوانەكردن و کۆنترۆڵکردنی جۆریی وەزارەتی پلاندانانی عێراق ڕایگەیاند: لە ماوەی سێ مانگی کۆتایی ساڵی 2023 ـدا نزیکەی چوار تۆن زێڕ هاوردەکراوە، لەکاتێکدا بڕی هاوردەکراوی زێڕ تەنیا لە ساڵی 2024 ـدا، 24 تۆنی تێپەڕاندووە.

زانیاریی زیاتر: بە گوتەی دلێمی، بەشی زێڕەنگەری لە دەزگاكە، دوای کردنەوەی هەردوو یەکەی پشکنین لە فڕۆکەخانەکانی ناوبراو بەپێی بڕیارێکی ئەنجوومەنی وەزیران، پشکنین و نیشانەیان بۆ سەرجەم بڕە هاوردەکراوەکان کردووە، داهاتی دارایشی پێنج ملیار و 536 ملیۆن دیناری تێپەڕاندووە.