وەزارەتی تەندروستیی عێراق دەرچووانی پزیشکیی گشتیی زانکۆ نا-عێراقییەکان دادەمەزرێنێت

ئاڤا نیوز

وەزارەتی تەندروستیی عێراق، ئاگاداری دەرچووانی کۆلێژەکانی پزیشکیی گشتیی زانکۆ (نا-عێراقییەکان) بۆ ساڵی خوێندنی (2023-2024) دەکاتەوە ئەوانەی ئارەزووی دامەزراندنیان هەیە.

ڕاگەیێنراوی فەرمی: بەگوێرەی ڕاگەیێنراوێکی وەزارەتی تەندروستیی عێراق لەسەر ڕێنماییەکانی د. ساڵح مەهدی حەسناوی، وەزیری تەندروستی، ئەو دەرچووانەی ئارەزووی دامەزراندنیان هەیە لە میلاکی وەزارەتەکە، دەتوانن فۆڕمی ئەلیکترۆنی تایبەت بە خۆیان پڕبکەنەوە.

زانیاریی زیاتر: بەگوێرەی ڕاگەیێنراوەکەی وەزارەتی تەندروستیی عێراق، پرسی دامەزراندنەکان دوای پەسەندکردنی خشتەکانی بودجە لەلایەن وەزارەتی داراییەوە تاوتوێ دەکرێت.

ئەوەی پێویستە بیزانیت: مەبەست لە زانکۆ (نا-عێراقییەکان)، زانکۆکانی دەرەوەی عێراقە. واتا ئەو قوتابییە عێراقییانەی کە لە وڵاتانی دیکە (دەرەوەی عێراق) کۆلێژی پزیشکییان تەواو کردووە، دەتوانن فۆڕمەکە پڕ بکەنەوە بۆ ئەوەی لە وەزارەتی تەندروستیی عێراق دابمەزرێن.

لێرەوە دەتوانن فۆڕمی پێشکەشکردن بۆ دەرچووانی زانکۆ نا-عێراقییەکان (پزیشکیی گشتی) پڕبکەنەوە