مارکۆ ڕوبیۆ: قەتەر وەک هاوپەیمانێکی ستراتیژی ئەمریکا دەمێنێتەوە

ئاڤا نیوز

وەزیری دەرەوەی ئەمریکا جەختی کردەوە کە قەتەرییەکان هاوبەشی باشی ئەمریکان، هەواڵی تێکچوونی پەیوەندییەکانی واشنتن و دەوحەش ڕەتدەکاتەوە.

چیرۆکی سەرەکی: ڕۆژی سێشەممە، ئیسرائیل هێرشێکی ئاسمانی لەناکاوی کردە سەر سەرکردەکانی حەماس و شاندی دانوسانکار لە دەوحە، لە نێو شەقامی قەتەری و لە سۆشیال میدیای ئەو وڵاتە باسی خیانەتی ئەمریکا وەک هاوپەیمانێکی قەتەر باسی دیاری ڕۆژە و بەرپرسانی ئەو وڵاتە هەڕەشەی پێداچوونەوە بە پەیوەندییەکان دەکەن لەگەڵ واشنتن.

لێدوانی فەرمی: مارکۆ روبیۆ، وەزیری دەرەوەی ئەمریکا ڕایگەیاند:   لەگەڵ  سەرۆکوەزیرانی قەتەر کۆبووینەوە و هیچ ئەگەرێک بۆ پچڕانی پەیوەندی نێوان واشنتن و دەوحە بوونی نییە، قەتەر هاوبەشێکی ستراتیژی و گرنگی ئەمریکایە و بەو شێوەیەش دەمێنێتەوە، هەردوو دەوڵەت پێکەوە هاوکار بووین لە چارەسەرکردنی زۆر قەیرانی گەورە و جیهانی و کاری هاوبەش بەردەوامی پێدەدەین.

ئەوەی پێویستە بیزانیت: لێدوانەکانی ڕۆبیۆ لە لە بنکەی ئاسمانی ئەمریکا بوو پێش ئەوەی وڵات جێبهێڵێت بۆ ئیسرائیل، ئەم سەردانە هاوکاتە لەگەڵ لووتکەی بەپەلەی وڵاتانی عەرەبی و ئیسلامی کە لە دەوحە بەڕێوەدەچێت بۆ تاوتوێکردنی دەرئەنجامەکانی هێرشی ئیسرائیل لە دەوحە کە سەرکردەکانی بزووتنەوەی حەماسی کردبووە ئامانج.