وەزیری تەندروستی بۆ ئاڤا: لە ماوەیەكی كورتدا بوونەتە ئاوێنەی ڕاستەقینەی كۆمەڵگە

ئاڤا نیوز

وەزیری تەندروستیی هەرێمی كوردستان لە ساڵیادی دەستپێكردنی پەخشی ئاڤا میدیا دەڵێت، لە ماوەیەكی كورتدا بووەتە وێستگەیەكی میدیایی كاریگەر بۆ گەیاندنی ڕاستییەكان بە خەڵك و ئاوێنەی ڕاستەقینەی كۆمەڵگە بووە.

پەیامی فەرمی د. سامان بەرزنجی، وەزیری تەندروستیی هەرێمی كوردستان لە ساڵیادی ئاڤا: "هیوادارین بەم رۆحیەتە گەرمەوە بەردەوام بن و ئاوێنەی ڕاستەقینەی کۆمەڵگاکەمان بن و پیشەییانە ڕووماڵی رووداوە ناوخۆیی و دەرەکییەکان بکەن و مینبەری هۆشیاری و ڕۆشنبیری تەندروستی بن لەپێناو کۆمەڵگایەکی تەندروست."

"جێگەی خۆیەتی ئەوە بڵێم کە ئاڤا میدیا لە ماوەیەکی کورتدا توانی شوێنپەنجەی خۆی لەناو گۆڕەپانی میدیای کوردیدا جێبهێڵێت و ببێتە وێستگەیەکی میدیایی کاریگەر بۆ گەیاندنی ڕاستییەکان بە خەڵک."