سەرۆک عەشیرەتی ئاکۆ کۆچی دوایی کرد

ئاڤا نیوز

ئەمڕۆ دووشەممە ئاکۆ عەباس ئاغا، سەرۆک عەشیرەتی ئاکۆ لە تەمەنی 69 ساڵی کۆچی دوایی کرد و تەرمەکەی لە گۆڕستانی سەرکەپکان بەخاک دەسپێردرێت.

چیرۆکی سەرەکی: ئاکۆ عەباس ئاغا، سەرۆکی عەشیرەتی ئاکۆ دوای زیاتر لە ساڵێک ململانێ لەگەڵ نەخۆشی، ئەمڕۆ لە شاری سلێمانی کۆچی دوایی کرد، وابڕیارە هەر ئەمڕۆ لە گۆڕستانی ناحیەی سەرکەپکانی سنووری ئیدارەی سەربەخۆی ڕاپەڕین بەخاک بسپێردرێت.

زانیاریی زیاتر: ئاکۆ عەباس ئاغا لە ساڵی 1956 لە سەرکەپکان لەدایکبووە، چوارەم کوڕی عەباس ئاغایە، پەیوەندییەکی پتەوی لەگەڵ سەرکردە و حیزبە کوردستانییەکان و سەرکردە و کەسایەتیە عێراقییەکان هەبووە، هاوکات ئاشنایەتییەکی باشی لەگەڵ حیزب و کەسایەتییەکانی پارچەکانی تری کوردستان هەبووە.

ئەمەش بزانە: زیاتر لە ساڵێکە ئاکۆ عەباس ئاغا دووچاری نەخۆشی هاتبوو، ماوەی سێ مانگ بۆ وەرگرتنی چارەسەر لە دەرەوەی وڵات مایەوە، هەفتەیەک بوو تەندروستی بەرەو خراپی ڕۆشتبوو، ئەمڕۆ لە نەخۆشخانەیەکی سلێمانی کۆچی دوایی کرد.