لە ماوەی 28 ڕۆژدا 28 ڕاوچی دەستگیرکراون

ئاڤا نيوز

لە ماوەی 28 ڕۆژی قەدەغەی ڕاوی ماسی لە ئیدارەی ڕاپەڕین، 28 راوچی ماسی دەستگیرکراون و دەستبەسەر کەلوپەلەکانی راودا گیراون.

لێدوانی فەرمی: شۆڕش کاکە بەڕێوەبەری پۆلیسی  دارستان و ژینگەی راپەڕین بە ئاڤا نیوزی گوت: لە ماوەی 28 رۆژی دەستپێکردنی قەدەغەی ڕاوی ماسی 28 راوچی ماسی دەستگیرکراون و دەست بەسەر 11 تۆڕی راوی ماسیشدا گیراوە، ئەو راوچییانەی دەستگیرکراون بە سزای بەندکردن یان پێبژاردنی ماددی سزا دەدرێن و لە ئەگەری دووبارەبوونەوەی کارەکەیان سزاکەیان قورستر دەبێت.

بۆچی گرنگە: ساڵانە لە هەرێمی کوردستان بە مەبەستی پەرەپێدان و زیاترکردنی سامانی ماسی، وەرزی قەدەغەکردنی ڕاوی ماسی دەستپێدەکات، ئەمساڵیش لە 2024/3/5 وەرزی قەدەغەکردنی ڕاوی ماسی دەستیپێکردووە و تاوەکو 2024/6/16 بەردەوام دەبێت.