کۆمپانیای سۆمۆ ڕاگەیێنراوێکی لەبارەی هەناردەکردنەوەی نەوتی کوردستان بڵاوکردەوە

ئاڤا نیوز

کۆمپانیای بەبازاڕکردنی نەوت (سۆمۆ) ئاشکرای کرد، سەرجەم گرێبەست و ڕێککەوتنەکانی لەگەڵ ئەو کۆمپانیایانەی نەوتی هەرێمی کوردستان دەکڕن تەواوبووە و دەستپێکردنەوەی هەناردەکردنی نەوتی هەرێم شکۆ بۆ عێراق وەک سەرچاوەیەکی سەرەکیی بازاڕی ئەوروپا دەگەڕێنێتەوە.

 

لێدوانی فەرمی: عەلی نەزارشەتری، بەڕێوەبەری گشتیی کۆمپانیاکە، ڕایگەیاند: وەزارەتی نەوتی فیدراڵی و وەزارەتی سامانە سرووشتییەکان لە هەرێمی کوردستان لە یەک چوارچێوەدا کاردەکەن، چونکە نەوتی بەرهەمهاتوو لەهەر شوێنێک بێت نەوتێکی عێراقییە و تایبەتمەندییەکە تەنیا لە سرووشتی پەیوەندی نێوان حکومەتی هەرێم ئەو کۆمپانیانەیە کە لەکێڵگەکانی هەڕیمی کوردستان کاردەکەن.

زانیاریی زیاتر: شەتری ئاماژەی بەوە دا: ئێستا نەوتی خاوی بەرهەمهاتوو لە هەرێمی کوردستان هەناردە ناکرێت، بەڵکو لە ناوخۆی هەرێمدا بەکار دەبرێت، هاوکات بەپێی یاسای بودجەی ساڵی 2025 و ڕێککەوتنەکانی نێوان بەغدا و هەولێر 50 هەزار بەرمیل نەوتی هەرێم بۆ پێویستی ناوخۆیی بەکاردێت و بەرهەمەکانی دیکەش بە مەبەستی هەناردەکردن ڕادەستی کۆمپانیای سۆمۆ دەکرێت.

ئەمەش بزانە: لە بەشێکی دیکەی قسەکانیدا بەڕێوەبەری گشتیی کۆمپانیای سۆمۆ،   باسی لەوەشكرد، کۆمپانیای بەبازاڕکردنی نەوت سەرجەم گرێبەست و پابەندییەکانی لەگەڵ کۆمپانیا کڕیارەکان تەواو کردووە و ئامادەیە بۆ وەرگرتنی ئەو بڕە نەوتەی لەگەڵ هەرێمی کوردستان بەمەبەستی هەناردکردنەوەی جارێکی دیکە بۆ بازاڕەکانی جیهان لە سەری رێککەوتووە.

جەختیشی کردەوە، تا ئێستا (سۆمۆ) هیچ بڕە نەوتێکی لە وەزارەتی سامانە سرووشتییەکانی هەرێمی کوردستانەوە وەرنەگرتووە و پەیوەندیی گرێبەستیش لە نێوان وەزارەت لە کوردستان و کۆمپانیا بەرهەمهێنەرەکاندا وەک خۆی دەمێنێتەوە.