لە زانکۆکانی ئەفغانستان، گوتنەوەی کتێبی نووسەرانی ژن و ئێرانی قەدەغە دەکرێت

ئاڤا نیوز

وەزارەتی خوێندنی باڵای حکومەتی تاڵیبان دوو ڕێنمایی بۆ زانکۆ حکومی و ئەهلییەکان دەرکرد، قەدەغە و سنووردارکردنی لەسەر وتنەوەی وانەکان داناوە.

چیرۆکی سەرەکی: بە گوێرەی ڕێنماییەکان جگە لە قەدەغەکردنی تەواوەتی 18 بابەت لە زانکۆکان، وتنەوەی کتێبی نووسەرانی ئێرانی و بڵاوکراوە ئێرانییەکان و هەروەها کتێبی نووسراوی ژنان قەدەغە کراوە.

زانیاریی زیاتر: بەرپرسانی تاڵیبان گوتوویانە ئەو بابەتانەی کە قەدەغە کراون "لەگەڵ پرەنسیپەکانی شەریعەت و سیاسەتی حکومەت ناکۆکن".

ئەمەش بزانە: زانایان و پسپۆڕانی ئایینی پێداچوونەوە بەو وانانەدا دەکەن کە لە زانکۆکان دەخوێنرێن و دەیانەوێت لەگەڵ شەریعەتی ئیسلامی بیانگونجێنن.