بەرەی گەل بە ناوێکی نوێ بەشداری لەهەڵبژاردنی پەرلەمانی عێراق دەکات

ئاڤا نیوز

لاهوور شێخ جەنگی بەر لە دەستگیرکردنی ناوی حیزبەکەی گۆڕیوە و بە ناوێکی دیکە بەشداری هەڵبژاردنی داهاتووی عێراق دەکەن.

وێنە گەورەکە: نزیکەی مانگێکە لاهوور شێخ جەنگی، سەرۆکی بەرەی گەل دەستگیرکراوە، بەڵام پێش ئەوە ناوی حیزبەکەی گۆڕیوە ناوە نوێیەکەی (بەرەی گەلەكەمان -جبهە شعبنا) ـیە و بەشداری لەهەڵبژاردنی خولی شەشەمی پەرلەمانی عێراق دەکات.

لێدوانی فەرمی: شادومان مەلا حەسەن، لە بەرەی گەل بە ئاڤای گوت، "ئێمە بە دوو ناو حیزبەکەمان تۆمارکردووە، لە کوردستان بەناوی بەرەی گەل و لە عێراق (جبهە شعبنا) تۆمارکراوە، واتا دوو حیزبمان هەیە یەکێک بۆ هەڵبژاردنەکانی کوردستان و یەکێک بۆ هەڵبژاردنەکانی عێراق."

گۆشەیەکی دیکەی دیمەنەکە: سەبارەت بە دۆخی لاهوور شێخ جەنگی لە زیندان، شادومان مەلا حەسەن ئاماژەی بەوەدا کە تەندروستی باشە، ئازادکردنیشی پەیوەستە بە بڕیاری دادگە یان بڕیاری سیاسیی، تاوەکو ئێستاش نە براوەتە بەردەم دادوەر نە بڕیاری سیاسیی بۆ دەرکراوە.