بڕیارێک لە بەرژەوەندیی جووتیارانی عێراق درا

ئاڤا نیوز

لەپێناو ساغبوونەوەی بەرهەمی نێوخۆی جووتیارانی و دوای پێگەیشتنی بەرهەمی ناوخۆیی بۆ وەرزی پاییز و سەرەتای زستان، وەزارەتی کشتوکاڵی عێراق هاوردەکردنی 44 بەرهەمی کشتوکاڵیی و جۆری ئاژەڵی وەرزی لە دەروازە سنوورییەکانی قەدەغە دەکات.

وێنە گەورەکە: ساڵانە لە وەرزی پێگەیشتنی بەرهەمی ناوخۆیی، وەزارەتی کشتوکاڵی عێراق یان بەڕێوەبەرایەتی کشتوکاڵی پارێزگاکان بەپێی تایبەتمەندی کشتوکاڵی ناوچەکەیان قەدەغەی هاوردە دەخەنە سەر چەند بەرهەمێک.

لێدوانی فەرمی:  مەهدی سەهر جبووری، بریکاری وەزارەتی کشتوکاڵ، ڕایگەیاند: بەهۆی زۆری بەرهەمهێنان لەناوخۆ و جێگیربوونی نرخەکانیان، هاوردەکردنی 44 بەرهەمی کشتوکاڵی و ئاژەڵی لەمەودوا قەدەغە دەکرێت.

زانیاریی زیاتر: وەزارەتی کشتوکاڵی عێراق، هاوردەکردنی تەماتە، پەتاتە، قەرنابیت، کاهو، شێلم، چەوەندەر، پەتاتە، خەیار، باینجان،  کولەکە، بیبەر، پاقلەی سەوز، خورما، شووتی، کاڵەک، هەنگوین، هێلکە ، مریشکی زیندوو و ماسی بەستوو قەدەغە دەکات.