فەرماندەی زێرەڤانی ڕوونکردنەوە لەبارەی پێشمەرگەیەکی برینداری شەڕی داعش بڵاودەکاتەوە

ئاڤا نیوز


ڕاگەیاندنی فەرماندەیی زێرەڤانی: کەناڵێکی ڕاگەیاندن تەنها لەبەر وروژاندنی خەڵک و بەدەستهێنانی بینەری زیاتر، ئیسغلالی ئازارەکانی پێشمەرگەیەکی برینداریی شەڕی داعشی کردووە.

ڕاگەیێنراوی فەرمی: ڕاگەیاندنی فەرماندەیی زێرەڤانی ڕوونکردنەوەیەکی لەبارەی ئەو بابەتە بڵاوکردووەتەوە و تیایدا هاتووە: کەناڵی ڕووداو 10-8-2025 چاوپێکەوتنێکی لەگەڵ پێشمەرگەیەک بەناوی "عەدنان زوهێردگ" کردووە کە یەکێکە لە بریندارەکانی شەڕی داعش، ئەو کەناڵە نابەرپرسیارانە و بەبێ مۆڵەتی خۆی چەند گرتەیەکی لێ بڵاوکردووەتەوە. 

لە بەشێکی دیکەی ڕاگەیێنراوەکەدا هاتووە، ئەوە لەکاتێکدایە ئەو پێشمەرگەیە نەخۆشیی هەبووە، بەداخەوە ڕووداو ڕەچاوی نەخۆشیی ئەو پێشمەرگەیەی نەکردووە و لەبری ئەوەی ئەوەی پەیوەندی بەلایەنی پەیوەندیدار بکات، تەنها لەبەر وروژاندنی خەڵک و بەدەستهێنانی بینەری زیاتر، ئیسغلالی ئازارەکانی کردووە. 

لەلایەکی دیکەوە: فەرماندەی زێرەڤانی باسی لەوەشکردووە، دوای بەدواداچوون دەرکەوتووە هەر لەسەرەتاوە ئەو پێشمەرگەیە لەلایەن لایەنی پەیوەندیدار یارمەتی و هاوکاری کراوە بۆ چاکبوونەوەی، هاوکات بەبڕیاری لیژنەی تەندروستیی وەزارەتی پێشمەرگە، خانەنشینکراوە. 
 
پێویستە ڕاگەیاندنەکان بەرپرسیارانە مامەڵە بکەن و بە هیچ شێوەیەک بۆ سەبقی هەواڵ و زیادکردنی ڤیو، ئیستغلالی ئازاری پێشمەرگە و خەڵکی کوردستان نەکەن.