خزمه‌تگوزارییه‌كی نوێ له‌ 'Visit Kurdistan'ـه‌وه‌ بۆ هاونیشتمانییان

ئاڤا نیوز


دامەزراوەی ڤیزت کوردستان ئەپڵیکەیشنێکی دروست کردووە، کە لە ڕێگەیەوە هاووڵاتییان دەتوانن سوودمەندبن لە داشکانی چەندین شوێنی جیاواز. 


وێنە گەورەکە: ڤیزت کوردستان دامەزراوەیەکی ناحکومییە و ماوەی زیاتر لە ساڵێکە دامەزراوە، لە چوارچێوەی کەرتی گەشتوگوزار کار دەکات و مەبەست لێی نیشاندانی شوێنە سرووشتییەکانی کوردستانە بە جیهان.

زانیاریی زیاتر: ئەو دامەزراوە ناحکومییە لە ڕێگەی ئەپڵیکەیشنی 'Deals.krd' سوودێکی زۆر بە هاووڵاتیان دەگەیەنێت، هەر کەسێک خاوەنی ئەکاونتی تایبەت بێت لەم خزمەتگوزارییە دەتوانێت سوودمەندبێت لە داشکانی کۆمەڵێک شوێنی جیاواز لەوانە؛ نەخۆشخانە و دەرمانخانە، شوێنی یارکردن و شوێنی مانەوە، خواردنگە و جلوبەرگ، ئەمانە و چەندین شوێنی دیکەش، تەنانەت ناوەندی خوێندن وەکو پەیمانگاشی تێدایە. 

ئەمەش بزانە: هەر شوێنێک ڕێککەوتنی هەبێت لەگەڵ ڤیزت کوردستان داشکاندن بۆ بەرهەم و خزمەتگوزارییەکانی دەکات، ئەمەش بەڕێژەیە و لە 5% دەستپێدەکات و شوێن هەیە داشکانەکەی دەگاتە 50%، هاوکارییەکی تایبەتە بۆ هاووڵاتییان و بەشێک لە پارەکانیان بەم شێوەیە بۆ دەگەڕێتەوە.