ئەمریکا پڕۆژە بڕیاری ئاگربەستی غەززە ڤیتۆ دەکات

ئاڤا نیوز

ئەمریکا ڤیتۆی خۆی بەکارهێنا و داوای ئەنجوومەنی ئاسایشی نەتەوەیەکگرتووەکانی بۆ ئاگربەست لە غەززە پووچەڵ کردەوە.

لێدوانی فەرمی: مۆرگان ئۆرتاگۆس، نوێنەری ئەمریکا لە نەتەوەیەکگرتووەکان، ڕایگەیاند، "ئەمریکا ئەم بڕیارە قبووڵ نەکراوە ڕەتدەکاتەوە." 

زانیاریی زیاتر: ئەمریکا داوا دەکات حەماس هەموو بارمتەکانی ئازاد بکات و دەستبەجێ خۆی ڕادەست بکات. هاوکات، ئەمریکا ڕایگەیاند لە کارکردن لەگەڵ هاوبەشەکانی بۆ کۆتاییهێنان بە جەنگی غەززە بەردەوام دەبێت.

ئەمەش بزانە: ئەمە شەشەم جارە ئەمریکا لە دژی پڕۆژە بڕیارەکانی ئەنجوومەنی ئاسایشی نەتەوە یەکگرتووەکان بۆ ئاگربەستی غەززە ڤیتۆ بەکار ببات. 

باکگراوند: لە ئۆکتۆبەری 2023ـەوە ئیسرائیل زیاتر لە 65 هەزار فەلەستینی لە کەرتی غەززە کوشتووە و لە هێرشەکانی بەردەوامە. هاوکات کۆمیسیۆنی لێکۆڵینەوەی نەتەوە یەکگرتووەکان ڕایگەیاندووە ئیسرائیل لە کەرتی غەززە جینۆسایدی ئەنجام داوە.