ترەمپ: بنکەی سەربازیی باگرام لە ئەفغانستان وەردەگرینەوە

ئاڤا نیوز

دۆناڵد ترەمپ، سەرۆکی ئەمریکا، ڕایگەیاند کاردەکات بۆ "وەرگرتنەوەی" بنکەی ئاسمانی باگرام لە ئەفغانستان، ئەمەریکا پێش گەڕانەوەی تاڵیبان بۆ ئەو وڵاتە لە ساڵی 2021 دەستبەرداری بوو.

لێدوانی فەرمی: ترەمپ لە کۆنگرەیەکی ڕۆژنامەوانیدا، لە لەندەنی پایتەختی بەریتانیا، ڕایگەیاند، "ئێمە هەوڵدەدەین بۆ باگرام بگەڕێینەوە، چونکە ئەوان پێویستیان بە هەندێک شتی ئێمە هەیە". هەروەها گوتی "یەکێک لە هۆکارەکانی ئەوەی کە بنکەکەمان دەوێت ئەوەیە، وەک دەزانن، کاتژمێرێک لەو شوێنە دوورە کە چین چەکی ئەتۆمی لێ دروست دەکات".

زانیاریی زیاتر: باگرام گەورەترین بنکەی ئاسمانیی ئەفغانستانە، لە 2001 تا 2021 بنکەی سەرەکیی هێزەکانی ئەمریکا بوو لە ئەفغانستان. ترەمپ چەندین جار ڕەخنەی لە لەدەستدانی ئەو بنکەیە گرتووە. هەروەها گلەیی لە پەرەسەندنی کاریگەریی چین لە ئەفغانستان کردووە.