ئیسرائیل سیستمێکی بەرگریی ئاسمانیی لەیزەری تاقیدەکاتەوە

ئاڤا نیوز

ئیسرائیل سیستەمێکی لەیزەری بۆ پاراستنی ئاسمانی وڵاتەکەی تاقیدەکاتەوە. 

ڕاگەیێنراوی فەرمی: وەزارەتی بەرگریی ئیسرائیل ڕایگەیاند سیستمێکی بەرگریی ئاسمانیی نوێی "سەرکەوتووانە" تاقیکردووەتەوە کە تێچووی کەمە، هێزی زۆرە و پشت بە لەیزەر دەبەستێت.

زانیاریی زیاتر: سیستمەکە بۆ بەرپەرچدانەوە و تێکشاندنی هێرشە مووشەکییەکان دیزاین کراوە. لەلایەن سیستەمی بەرگریی پێشکەوتووی ڕافائیلەوە پەرەی پێدراوە. سیستمەکە ناونراوە "تیشکی ئاسنین" و تەواوکەری سیستەمەکانی دیکەی بەرگریی ئاسمانیی ئیسرائیلە لە بریتین لە گومەزی ئاسنین و قەڵغانی داوود و سیستمی تیر.

ئەمەش بزانە: سیستمەکە قۆناغی تاقیکردنەوەی تەواو کردووە، ئامادەیە بۆ بەکاربردن و کۆتایی ئەمساڵ دەخرێتە خزمەتی سوپا.

لایەنی ئەرێنی: تێچووی هەر ڕۆکێتێک بە سیستەمی ئێستای بەرگریی ئاسمانیی ئیسرائیل لانیکەم 50 هەزار دۆلارە بۆ هەر مووشەکێک، بەڵام سیستەمە نوێیەکە پشت بە لەیزەر دەبەستێت و تێچووی زۆر کەمترە.