دوای بەرنامەی مۆری ئاڤا لەسەر سەگی بێلانە شارەوانی سلێمانی بڕیاری کۆکردنەوەیانی دا

ئاڤا نیوز

بە مەبەستی پاراستنی سەلامەتیی قوتابییان لەکاتی چوونیان بۆ قوتابخانە و ناوەندەکانی خوێندن، شارەوانیی سلێمانی، هەڵمەتی کۆکردنەوەی سەگی بێلانە چڕتر دەکاتەوە و داواش لە هاووڵاتیان دەکات، لەبەرامبەر هێنانی هەر سەگێک بۆ شەڵتەری سەگە بێلانەکان، بە بڕی 3 هەزار دینار پاداشت دەکرێن، ئەگەر سەگی بێلانەش لای خۆیان بگرن و ڕادەستی تیمەکانی شارەوانی بکەن، ئەوا بڕی دوو هەزار دیناریان پێ دەدرێت.

چیرۆکی سەرەکی: دوای بەرنامەی ژوان قەرەداخی لەسەر سەگی بێلانە لە مۆری ئاڤا شارەوانی سلێمانی بڕیاریدا بە کۆکردنەوەی و بۆ هەر سەگێک بڕی سێ هەزار دینار دەدرێت، شارەوانیی سلێمانی، ئەمڕۆ هەینی 19ـی ئەیلوول، ئاگادارینامەیەکی بڵاوکردووەتەوە لەبارەی کۆکردنەوەی سەگی بێلانە کە ئێستا لەنێو شەقام و کۆڵانەکانی گەڕەکەکانی شارەکە، ڕێژەکەی زیادیکردووە، ئەوەش لەکاتێکدا کەمتر لە دوو ڕۆژ ماوە بۆ کردنەوەی دەرگای قوتابخانەکان و گەڕانەوەی قوتابییان بۆ ناوەندەکانی خوێندن کە زۆرجار لەلایەن ئەو سەگە بێلانانە پەلامار دەدرێن و مەترسی لەسەر گیانی منداڵان دروست دەبێت.

ڕاگەیێنراوی فەرمی: سەرۆکایەتیی شارەوانیی سلێمانی لە ڕاگەیێنراوێکدا ئاماژەی بەوەکردووە، لەڕێگەی تیمەکانی کۆکردنەوەی سەگ و ڕادەستکردنی بە شەڵتەری لەخۆگرتنی سەگە بێلانەکان، هەڵمەتێکی چڕی کۆکردنەوەی سەگی بێلانە دەستپێدەکات کە سبەی شەممە 20ـی ئەیلوول دەستپێدەکات و ماوەی هەفتەیەک دەخایانێت.

بابەتە ستراتیژییەکە: شارەوانیی سلێمانی داوا لەو کەسانە دەکات کە شارەزاییان لە گرتنی سەگ هەیە، لەو هەڵمەتە هاوکارییان بن؛ بەو مەرجەی هەر سەگێک بەچکەی هەبێت، بەچکەکانیشی بگرن و لەکاتی ڕادەستکردنیان بە شەڵتەری حەواندنەوەی سەگە بێلانەکان، بڕی سێ هەزار دیناریان وەک پاداشت پێ دەدرێت، ئەگەر ڕادەستی تیمەکانی کۆکردنەوەی سەگیش بکەن (لەڕێگەی کۆکردنەوەیان لە شوێنێک و بردنیان لەلایەن تیمەکانی شارەوانییەوە)، تەنها بڕی دوو هەزار دیناریان پێ دەدرێت.

پەیوەست بەم بابەتە: شارەوانیی سلێمانی داواش لە ئاژەڵدۆستان و ڕێکخراوەکانی پاراستنی ئاژەڵان دەکات کە لەو هەڵمەتە هاوکار و پشتیوانیان بن، لەپێناو بەرژەوەندی گشتی و پاراستنی سەلامەتیی هاووڵاتیان.