بەهۆی پێنەدانی ڤیزا سەرۆکی فەڵەستین بە ڤیدیۆکۆنفرانس بەشداری کۆبوونەوەی نەتەوەیەکگرتووەکان دەکات

ئاڤا نیوز

نەتەوەیەکگرتووەکان بە فەرمی ڕێگەدەدات سەرۆکایەتیی فەڵەستین بە شێوەی ڤیدیۆکۆنفرانس لە کۆبوونەوەی گشتی نەتەوەیەکگرتووەکاندا بەشداری بکەن، ئەمەش دوای ئەوەی وەزارەتی دەرەوەی ئەمریکا ڕاگرتنی پێدانی ڤیزای بە بەرپرسانی فەڵەستین ڕاگرت.

چیرۆکی سەرەکی: لە کۆبوونەوەی گشتی نەتەوەیەکگرتووەکان لە شاری نیویۆرکی ئەمریکا دەنگدرا بە پێدانی مافی بەشداریکردن بە مەحموود عەباس، سەرۆکی فەڵەستین بە ڕێگەی ڤیدیۆکۆنفرانس.

زانیاریی زیاتر: بڕیارەکە خرایە دەنگدانەوە و بە 145 دەنگی بەڵێ و 5 دەنگی نەخێر پەسەندکرا، لەکاتێکدا 6 وڵات دەنگیان لەسەر بڕیارەکەدا نەدا و بە بێلایەنی مانەوە.

ئەمەش بزانە: ئەم بڕیارە ڕێگە بە سەرۆکی فەڵەستین و هەر بەرپرسێکی باڵای دیکەی فەڵەستینی دەدات کە لە ماوەی ساڵی داهاتوودا بە شێوەی ڤیدیۆکۆنفرانس بەشداری کۆبوونەوە و کۆنفرانسەکانی نەتەوەیەکگرتووەکان بکەن، ئەگەر لە گەشتکردن بۆ ئەمریکا ڕێگرییان لێکرا.

باکگراوند: مانگی ڕابردوو، ئەمریکا ڕایگەیاند کە مەحموود عەباس و نزیکەی 80 فەڵەستینی دیکە دەکەونە ژێر کاریگەری بڕیارەکەیان بۆ ڕەتکردنەوە و هەڵوەشاندنەوەی پێدانی ڤیزا پێیان.