پێشەوا هەورامانی: لە کابینەی نۆیەمدا لە شارەکان 2168 پڕۆژەی ڕێگاوبان کراون

ئاڤا نیوز

لە کابینەی نۆیەمدا لە ناوخۆی شارەکانی هەرێمی کوردستان 2168 پڕۆژەی ڕێگاوبان ئەنجام دراون بە گوژمەی دوو ترلیۆن و 40 ملیار دینار. 

وێنە گەورەکە: حکومەتی هەرێمی کوردستان لە کابینەی نۆیەمدا گرنگییەکی تەواوی داوە بە ژێرخانی ڕێگاوبان لە تەواوی پارێزگا و شارە جیاوازەکان، ئەمەش بە ئامانجی هێنانە کایەی ئاسانکاری زیاتر بۆ هاتووچۆی هاونیشتمانیان و کەمکردنەوەی ڕووداوەکانی هاتووچۆیە. 

زانیاریی زیاتر: لەم کابینەیەدا سەرۆکوەزیران مەسرور بارزانی. بەردەی بناغەی چەندین ڕێگەی گرنگی داناوە و بەردەوامیشە لە هەوڵەکانی بۆ زیاتر خزمەتکردنی هاونیشتمانیان.

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان ڕایگەیاند: ئەمڕۆ شەممە سەرۆکوەزیران مەسرور بارزانی، ڕێگایەکی دیکەی ستراتیژی گرنگ دەکاتەوە کە دوو سایدی شێخان - لالشە، کە بە ماوەیەکی کورت و بە بەرزترین کوالێتی و ستانداری جیهانی دروستکراوە. 

 ژمارەکان وادەڵێن: وتەبێژی حکومەتی هەرێمی کوردستان بە ژمارە باس لە پڕۆژەکانی ڕێگاوبان دەکات لە کابینەی نۆیەمدا کە بەمشێوەیە:- 

- لە ناوخۆی شارەکانی هەرێمی کوردستان، 2168 پڕۆژەی ڕێگاوبان ئەنجامدراون بە گوژمەی دوو ترلیۆن و 40 ملیار دینار. 

- 318 پڕۆژەی ڕێگاوبان بۆ گوندەکان ئەنجامدراوە کە کۆی گشتیی 317 کیلۆمەتر ڕێگا بووە. 

- هەر لەم کابینەیەدا، 2681 کیلۆمەتر ڕێگای دەرەوەی شارەکان قیرتاو و نۆژەنکراونەتەوە بە گوژمەی یەک ترلیۆن و 32 ملیار و 834 ملیۆن دینار.