عێراق بەهۆی کەمکردنەوەی هاوردەی سووتەمەنی ساڵانە 4 ملیار دۆلار داهاتی زیاد دەکات

ئاڤا نیوز

ئەندامێکی لیژنەی نەوت لە پەرلەمانی عێراق دەڵێت، بەهۆی کەمکردنەوەی پشت بەستن بە هاوردەی سووتەمەنی لەدەرەوە، حکومەت ساڵانە چوار ملیار دۆلار داهاتی بۆ گەڕاوەتەوە و ئێستا ئەو پارەیە بۆ پەرەپێدانی پاڵاوگەکان و زیادکردنی بەرهەمهێنان لەناوخۆدا بەکاردەهێنرێتەوە.

وێنە گەورەکە: مانگی تەممووزی ئەمساڵ محەممەد شیاع سوودانی، سەرۆکوەزیرانی عێراق ڕایگەیاند، لە ساڵی داهاتووەوە وڵات لە بەرهەمهێنانی بەنزیندا دەگاتە ئاستی خۆبژێوویی، بۆیەش هاوردەی بەنزین بە تەواوی ڕادەگیرێت و حکومەت پلانی هەیە بەنزین و بەرهەمەکانی دیکەی نەوت هاوردەی دەرەوە بکات.

لێدوانی فەرمی: بەها نووری، ئەندامی لیژنەی نەوت لە پەرلەمانی عێراق بە ڕۆژنامەی سەباحی ڕاگەیاندووە، لیژنەکەیان بە هاوکاری وەزارەتی نەوت پلانێکی گشتگیری ئامادە کردووە بۆ ئەوەی لە چەند ساڵی داهاتوودا هاوردەی سووتەمەنی بەهەموو شێوەیەک ڕابگیرێت، ئەویش لەڕێگەی زیادکردنی بەرهەمهێنانی سووتەمەنی لە پاڵاوگەکان و دووبارە بەکارخستنەوەی بەشە لەکارکەوتووەکانیان، جگەلەوەش حکومەت دەیەوێت تا ساڵی 2030 لە بەرهەمهێنانی غازدا بەتەواوی بگاتە خۆبژێووی.

ئەوەشی خستووەتەڕوو، لەگەڵ کۆمپانیای سۆمۆ، وەزارەتی نەوت و هەرێمی کوردستان چاودێری بەردەوامی دەستکەوتەکان دەکەن و خواستی ئەوەیان هەیە لە پێنج ساڵی داهاتوودا پڕۆژەکان بەشێوەیەک بچنەپێشەوە چیتر وڵات پێویستی بە هاوردەی غاز و بەرهەمەکانی دیکەی بەرهەمهێنراو لە نەوت نەمێنێت.