پێشەوا هەورامانی: هەرێمی کوردستان هەفتەیەکە نووسراوی هەناردەکردنەوەی نەوتی کردووە

ئاڤا نیوز

وتەبێژی حکومەتی هەرێمی کوردستان دووپاتی دەکاتەوە: هەرێم ئامادەیی خۆی بۆ هەناردەکردنەوەی نەوت دەربڕیوە و هەفتەیەکە نووسراوی بۆ بەغدا کردووە.

وینە گەورەکە: دوای ڕەزامەندی حکومەتی هەرێمی کوردستان و حکومەتی فیدراڵ لەسەر پێشنیازی پێدانی شایستەی دارایی بە بڕی 16 دۆلار بۆ دەستحەقی دەرهێنانی هەر بەرمیلێک نەوت، هەرێم ئامادەی نیشانداوە بۆ ناردنی نەوت بۆ بەغدا، ئەمەش دوای هاتنە ئارای ڕێککەوتنێکی سێ لایەنە.

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان بە ئاڤای ڕاگەیاند: حکومەتی هەرێمی کوردستان هەفتەیەکە نووسراوی بۆ بەغدا کردووە بۆ ئەوەی نەوتی هەرێمی کوردستان ڕادەستی سۆمۆ بکرێت و هەناردەی دەرەوە بکرێت.

پێشەوا هەورامانی وتیشی: سەرۆکوەزیران بە دیدگایەکی جیاوازەوە چاوی لە لە گۆڕانکاریی گەورەیە لە هەرێمی کوردستان و دەیەوێت بەشێوەی ڕیشەیی کێشەکان چارەسەر بکرێن.

باکگراوند: لە دوایین کۆبوونەوەی ڕۆژی چوارشەممەی ئەنجوومەنی وەزیرانی هەرێمی کوردستان ڕێککەوتی 17-9-2025 ئەنجوومەنی وەزیرانی هەرێمی کوردستان ئامادەیی خۆی نیشاندا، "تا کاتی واژۆکردنی ڕێککەوتننامە سێقۆڵییەکە، هەرێمی کوردستان بەشەنەوتی خۆی ڕادەستی وەزارەتی نەوتی فیدراڵ دەکات، بۆ ئەم مەبەستە ئەنجوومەنی وەزیران، وەزیری سامانە سرووشتیيەکان و شاندی دانوستانکاری ڕاسپارد، ڕێکاری پێویست بگرنەبەر و پێویستە حکومەتی فیدڕاڵیش لە بەرامبەردا، پابەندیی خۆی لە ناردنی مووچە دەستبەجێ جێبەجێ بکات."