بەریتانیا دان بە سەربەخۆیی فەلەستیندا دەنێت

ئاڤا نیوز

بەریتانیا بڕیاریداوە، ڕۆژی یەکشەممە، 21-9-2025، دان بە سەربەخۆیی فەلەستیندا بنێت.

وێنە گەورەکە: وەک ڕەخنەیەک لە بەرامبەر هێرشی ئیسرائیل بۆ سەر کەرتی غەززە و کوشتنی دەیان هەزار فەلەستینی لەو کەرتە، کیەر ستارمەر، سەرۆکوەزیرانی بەریتانیا، پێشتر ڕایگەیاندبوو فەلەستین وەک دەوڵەتێکی سەربەخۆ دەناسێت و ڕاگەیێنراوێک لەو بارەوە بڵاودەکاتەوە. 

لەلایەکی دیکەوە: بنیامین نەتانیاهۆ، نیگەرانی خۆی لەم بڕیارەی بەریتانیا ڕاگەیاندووە و وتوویەتی ئەم هەنگاوە پاداشتکردنی حەماسە.

ئەمەش بزانە: دان نانی بەریتانیا بە سەربەخۆیی بەریتانیا بە واتای گۆڕانێکی گەورە لە سیاسەتی دەرەوەی بەریتانیا بەرامبەر بە ئیسرائیل دێت.

ئەوەی چاوەڕێ دەکرێت: چاوەڕێ دەکرێت لە هەمان ڕۆژدا پورتوگالیش، هاوشێویە بەریتانیا دان بە سەربەخۆیی فەلەستیندا بنێت. ئەمە لە کاتێکدایە کە پێشتریش ئیسپانیا، ئیرلەندا و چەند وڵاتی دیکە هەمان بڕیاریان داوە و لە دوای ئەوانیش وڵاتانی بەلجیکا، فەرەنسا، کەنەدا و ئوسترالیا دەچنە ڕیزی ئەو وڵاتانەوە.