پزیشكیان: بەسەر هەموو سزایەک زاڵ دەبین

ئاڤا نیوز

دوای ئەوەی ئەنجوومەنی ئاسایشی نێودەوڵەتی، پرۆژە بڕیاری هەڵگرتنی سزاکانی سەر ئێرانی پەسند نەکرد، سەرۆککۆماری ئێران هەڵوێستی وڵاتەکەی بەرامبەر ڕووبەڕووبوونەوەی هەر جۆرە سزایەک دووپاتدەکاتەوە.

لێدوانی فەرمی: مەسعود پزیشکیان، سەرۆککۆماری ئێران ڕایگەیاند، ئەوان بە دووبارە سەپاندنەوەی سزاکان دەیانەوێت ڕێگاکە بگرن، بەڵام ئەوە عەقڵ و بیرۆکەکانن کە ڕێگاکە دەکەنەوە یان بوونیادی دەنێن دووبارە.


-لە درێژەی قسەکانیدا پزشکیان ئاماژەی بە‌هێرشی ئەمریکا و ئیسرائیل کرد کە لە مانگی حوزەیران بۆ سەر تاران و بنکە ئەتۆمییەکانی ئەنجامدران و وتی، ناتوانن ڕێگریمان لێ بکەن، دەتوانن هێرش بکەنە سەر دامەزراوەی ئەتۆمی نەتەنز و فۆردۆ، بەڵام درک بەوە ناکەن کە مرۆڤ ئەو بنکانەیان دروست کردووە و ئەو توانایەیان هەیە دووبارە ئاوەدانی بکەنەوە.

کاریگەری و لێکەوتەکان: ئەم لێدوانەی پزیشکیان لە کاتێکدایە، ئەنجوومەنی ئاسایشی نێودەوڵەتی، پرۆژە بڕیاری هەڵگرتنی سزاکانی بە یەکجاری سەر ئێران پەسند نەکرد.