تەواوی کارەبای ئیدارەی سەربەخۆی زاخۆ دەبێت بە 24 کاتژمێری

ئاڤا نیوز

پڕۆژەی ڕووناکی لە فراوانبووندایە و کارکردن لە 14 زۆنی ئیدارەی سەربەخۆی زاخۆ بەردەوامە کەمتر لە دوو مانگی داهاتوو تەواوی سنوورەکە کارەبایان دەبێتە 24 کاتژمێری.

وێنە گەورەکە: پڕۆژەی ڕووناکی یەکێکە لە پڕۆژە ستراتیژییەکانی حکومەتی هەرێمی کوردستان، پرۆژەکە ڕۆژی 2024-07-25 دەستیپێکرد، ئێستا نزیکەی چوار ملیۆن کەس لە کوردستان بوونەتە خاوەنی کارەبای 24 کاتژمێری، ئامانجەکە ئەوەیە تا ساڵی 2026 کارەبای تەواوی کوردستان ببێتە 24 کاتژمێری.

لێدوانی فەرمی: ئەنوەر کربێت، بەڕێوەبەری گشتیی کارەبای زاخۆ؛ بە ئاڤای گوت، "نزیکەی 85 هەزار هاوبەش لە سنووری ئیدارەی سەربەخۆی زاخۆ، بەقەزا و ناحییەکانیەوە لە پڕۆژەی ڕووناکی سوودمەند دەبن."

ئەمەش بزانە: تیمی پڕۆژەی ڕووناکی کار لەسەر ئەوە دەکەن، کە بەیەک جار کارەبای سەرجەم هاوبەشانی ئیدارەی سەربەخۆی زاخۆ بکرێت بە 24 کاتژمێری.