28 پرۆژەی وەبەرهێنان لە زاخۆ جێبەجێ کراون

ئاڤا نیوز

لە سنووری ئیدارەی سەربەخۆی زاخۆ 28 پرۆژەی وەبەرهێنان جێبەجێ کراون، 19 پرۆژەی دیکەش مۆڵەتیان وەرگرتووە.

وێنە گەورەکە: دوای ئەوەی لە کابینەی نۆیەم و بە دیاریکراوی لە ڕۆژی 28-7-2021 لە کۆبوونەوەی ئەنجوومەنی وەزیران بڕیاردرا بە هێنانەکایەی ئیدارەی سەربەخۆی زاخۆ، ئەمەش سەرەتای کرانەوەی ئەو ناوچەیە بوو بەڕووی کاروانی ئاوەدانی و  زیاترکردنی خزمەتگوزارییەکان بە جێبەجێکردنی ژمارەیەک پرۆژە لەسەرجەم سێکتەرەکان.

زانیاریی بەدەستهاتوو: دوای بە ئیدارەبوونی زاخۆ بە گوژمەی 513 ملیۆن دۆلار 28 پرۆژەی وەبەرهێنان لە بوارەکانی (گەشتوگوزار، پەروەردە، خوێندنی باڵا، وەرزش، فراونکردنی ماستەرپلانی زاخۆ، پیشەسازی، بازرگانی و کشتوکاڵ) جێبەجێکراون.

زانیاریی زیاتر:  19 مۆڵەتی نوێ لەلایەن بەڕێوەبەرایەتیی گشتیی وەبەرهێنانی زاخۆ مۆڵەتییان وەرگرتووە و لە داهاتوودا دەکەونە بواری جێبەجێکردنەوە.