پێشمەرگەیەک بەشداریی لە پاڵەوانێتی لەشجوانیی دەکات

ئاڤا نیوز

ماوەی سێ مانگە لە هەولێر پایتەخت ژمارەیەک یاریزانی لەشجوانیی ئامادەکاریی دەکەن بۆ بەشداریکردن لە پاڵەوانێتی لەشجوانیی عێراق، پێشمەرگەیەکیش چاوی لە نازناوی یەکەم بوونە.

چیرۆکی سەرەکی: 20 یاریزانی لەشجوانیی هەولێر دەیانەوێت وەکو هەڵبژاردەی پایتەخت بەشداریی لە پاڵەوانێیەتییەکی تایبەت بکەن، کە لەسەر ئاستیی هەموو پارێزگاکانی عێراق ڕێکخراوە و چاویان لە بەدەستهێنانی پلەی یەکەمینە. 

زانیاریی زیاتر: هیمداد جەواد، پێشمەرگەیە و یەکێکە لە یاریزانانی لەشجوانی، ڕۆژانە لە دووکاتی جیاوازدا ڕاهێنان دەکات و چاوی لەوەیە ئەمجارە بەناوی هەولێر پلەی یەکەم بەدەست بهێنێت.  

ئەمەش بزانە: ئەمە بۆ یەکەمجارە یاریزانانی لەشجوانیی هەولێر لەژێر ناوی هەڵبژاردەی هەولێر کۆدەکرێنەوە، بۆ بەشداریکردن لە پاڵەوانێتیەکانی سەر ئاستی عێراق، بە ئامانجی ئەوەی لە دەرەوەی وڵاتیش نازناوی دیکەی گەورە بەدەستبهێنن. 

ئەوەی پێویستە بیزانیت: وابڕیارە ڕۆژی دەی مانگی داهاتوو، بۆ یەکەمجارە لە ئیدارەی سەربەخۆی زاخۆ بەرێوەدەچێت لەژێر چاودێری یەکێتیی لەشجوانیی عێراق، یەکەم تا سێیەمی سەر ئاستەکان هەڵدەبژێردەرێن بۆ هەڵبژاردەی عێراق.