ڕووسیا: کێشەی فەلەستین و ئیسرائیل بە چارەسەری دوو دەوڵەتی چارەسەر دەکرێت

ئاڤا نیوز

لەبارەی دانپێدانانی ڕووسیا بە دەوڵەتی فەلەستین؛ مۆسکۆ دەڵێت: کێشەی فەڵەستین و ئیسرائیل تەنیا لەسەر بنەمای چارەسەری دوو دەوڵەت چارەسەر دەکرێت دووپاتیدەکاتەوە، ئەمە تاکە ڕێگەیە بۆ دۆزینەوەی چارەیەک بۆ ئەم ململانێیە.

لێدوانی فەرمی: دیمیتری پێسکۆڤ، وتەبێژی کۆشكی سەرۆکایەتیی ڕووسیا 'کرێملین' ڕایگەیاند، ململانێی فەلەستین و ئیسرائیل بە تووندترین و کارەساتترین قۆناغ لە تەواوی مێژووی خۆیدا تێدەپەڕێت، دەشڵێت، بەردەوامین لە پابەندبوون بە بڕیارنامە سەرەکییەکانی ئەنجوومەنی ئاسایشی نەتەوە یەکگرتووەکان و هەڵوێستی نێودەوڵەتی سەبارەت بە ئەگەری یەکلاکردنەوەی پرسی فەلەستین و ئیسرائیل لەسەر بنەمای چارەسەری دوو دەوڵەتی.

زانیاریی زیاتر: ئەم لێدوانەی ڕووسیا لە کاتێکدایە، کە ئەمڕۆ دووشەممە لە پەراوێزی کۆبوونەوەکانی کۆمەڵەی گشتی نەتەوە یەکگرتووەکان، سعودیە و فەرەنسا سەرۆکایەتیی کۆبوونەوەیەک دەکەن کە تێدا بڕیارە چەند وڵاتێک دانپێدانانی خۆیان بە دەوڵەتی فەلەستین ڕابگەیەنن.