ئەكبەر حاجی ڕۆستەم كەسایەتیی دیاری سنووری گەرمیان کوژرا

ئاڤا نیوز

ئەكبەر حاجی ڕۆستەم كەسایەتیی دیاری سنووری گەرمیان لە گوندێكی سنووری قەزای كفری كوژرا.

چیرۆکی سەرەکی: شەوی دووشەممە، ئەكبەر حاجی ڕۆستەم كەسایەتیی دیاری سنووری گەرمیان لە گوندی ئۆمەربل لە سنووری قەزای کفری کوژرا و تاوەکو ئێستا هۆکاری کوژرانی دیاری نەکراوە.

لێدوانی فەرمی: عەقید عەلی جەمال قدووری، گوتەبێژی پۆلیسی گەرمیان بە ئاڤای ڕاگەیاند: ئەمشەو ئەكبەر حاجی ڕۆستەم لەنێو زەویوزارەكەی خۆی لە گوندی ئۆمەربل لە سنووری شارۆچكەی كفری كوژراوە.

گوتیشی: مەفرەزەكانمان گەیشتوونەتە شوێنی ڕووداوەكە و دەستیان بە لێكۆڵینەوە كردووە و تاوەكوو ئێستا وردەكاریی ڕووداوەكە نازانرێ.